Pwáári Súfél

Minne Paul A Féri

VIDEO: Paul A Afalafal Ngeni Ekkewe Chón Aten

1. Katol ei VIDEO, are álleani Féffér 17:​22, 23. Mwirin pwóróusfengen wóón ekkeei kapas eis:

1. Met meefien Paul atun a kúna ewe angangen fel mi chofona lón Aten?—Ppii Féffér 17:16.

2. Ifa ussun Paul a pwáári súfél ren an áeá minne chón Aten ra lúkú le áiti ngeniir ewe kapas allim lap seni an epwe fen apwúngúúr?

Met Sia Káé Seni Paul?

2. Ese mwáál aramas repwe mochen aúseling ngenikich iká sia filiéchú menni kapas sipwe apasa, ifa ussun sipwe apasawu, me ineet sipwe apasa.

Áppirú Paul

3. Filiéchú menni kapas kopwe apasa. Áwewe chék, atun ka fós ngeni aramas rese silei masouen Paipel, eli mi lamot kopwe ekkesiwili napanapen óm fós ussun ewe Paipel are ifa ussun kopwe áweweei ussun Jises.

4. Kosap mwittir le apwúngú emén. Mut ngeni an epwe apasawu meefian. Iká a apasa och mettóch ese tipeeú ngeni áitien ewe Paipel, kosap ánini ngeni. (Jem. 1:19) Iká ka aúseling ngeni meefian, kopwe silei met a lúkú me pwata a lúkú ena.—SalF. 20:5.

5. Kútta met ka tongeni tipeeú ngeni ewe emén wóón are met ka tongeni apúnga wóón. Eli a wesewesen lúkú pwe mi pwúng met an we lamalam a eáni lúkú. Achocho le fós ngeni ussun ekkewe mettóch ámi me rúúemén oua tipeeú wóón, me ekis me ekis álisi le weweiti met áitien ewe Paipel.