ÁN PAIPEL KEWE KAPAS EIS RA PÉLÚ

Ifa usun semirit ra tongeni káé le tongei Kot?

Noum kewe semirit ra tongeni káé le tongei Kot ika a wor pisekin ánnet pwe a wor Kot me i a tongeer. Ren ar repwe tongei Kot a lamot repwe silei i. (1 Johannes 4:8) Áwewe chék, a lamot repwe silei: Met popun Kot a fératá aramas? Pwata Kot a mutatá riáfféú? Met Kot epwe féri fán iten aramas lón mwachkkan?—Álleani Filipi 1:9.

Ren óm kopwe álisi noum kewe semirit pwe repwe tongei Kot, a lamot kopwe pwár ngeniir pwe en pwisin ka tongei Kot. Atun repwe kúna ena, repwe chék áppirú óm leenien áppirú.—Álleani Tuteronomi 6:5-7; Än Salomon Fos 22:6.

Ifa usun ka tongeni achchúngú letipen noum kewe?

Án Kot we Kapas mi manaman. (Ipru 4:12) Iwe álisi noum kewe le silei ekkewe popun afalafal. Ren an epwe chúng letipen aramas, Jesus a áeá kapas eis, a aúseling me a áweweei ekkewe wokisin. Ren óm kopwe achchúngú letipen noum kewe, ka tongeni áppirú napanapen án Jesus asukul.—Álleani Lukas 24:15-19, 27, 32.

Pwal och, pwóróusen féfférún Kot ngeni aramas lón Paipel a tongeni álisi ekkewe semirit pwe repwe silei me tongei Kot. Ekkewe puk ra ffér fán iten káitin semirit ra kawor wóón www.pr2711.com.—Álleani 2 Timoty 3:16.

Ren pwal ekkóch pwóróus, ppii sópwun 14 lón ei puk, Met ewe Paipel A Wesewesen Apasa?, férien Chón Pwáraatá Jiowa

A wor wóón www.pr2711.com, are tiinaaló óm tingoren kopwe néúni ei puk ese kamé ngeni eú ekkena address lón page 2