Met Óm Ekiek?

Ewe Paipel a tongeni álisuk le wiliti chiechien Kot?

EKKÓCH ARAMAS RA LÚKÚ . . .

pwe rese tongeni wiliti chiechien Kot pokiten ra meefi pwe ra limengaw ren tipis. Pwal ekkóch ra erá pwe Kot ese áfánni aramas. Met óm ekiek?

IEI MET EWE PAIPEL A APASA

Kot a chiechiéch ngeni “eman mi wenechar.” (Än Salomon Fos 3:32) Ika sia álleasochisi Kot sia tongeni wiliti chiechian.

PWAL MET SIA TONGENI KÁÉ SENI EWE PAIPEL?

• Kot a mochen epwe Chiechiach.​—James 4:8.

• Kot chiechiach a chék mommolnetá le álisikich me omusakicheló.​—Kölfel 86:5.

• Chiechien Kot kewe ra sani met a sani me ra oput met a oput.​—Rom 12:9.