Met Ewe Paipel A Apasa?

Kot a efisi riáfféú?

Met kopwe apasa?

• Ewer

• Aapw

• Neman

Paipel a apasa

“Ese fokun tufich ngeni Kot pwe epwe föri föför mi ngau, ese fokun tufich ngeni Ewe mi Unusen Manaman pwe epwe föri mine a mwäl.” (Hiop 34:10) Iwe, esap mwo fán eú án Kot epwe efisi ekkewe mettóch mi ngaw me riáfféú sia kúkkúna wóón ei fénúfan.

Met sia pwal tongeni káé seni Paipel?

• Satan ewe Tefil, “ewe samolun ei fanüfan,” i ewe ákkáeúin popun an a fis riáfféú.​—Johannes 14:30.

• Riáfféú me minne mi ngaw, ikkena pwal mwirilóón ekkewe kefil mi ngaw aramas ra féri.​—James 1:14, 15.

Itá riáfféú epwe úkúló?

Ekkóch aramas ra lúkú pwe ika repwe angangfengen, ra tufichin amóeló riáfféú, nge ekkóch rese ápilúkúlúkú an epwe tongeni fis ena. Nge en, met óm ekiek?

Paipel a apasa

Kot epwe amóeló riáfféú. “Esap chüen wor mäla ika letipeta ika kechü ika cheuch, pun ekewe mettochun lom ra morola.”​—Pwärätä 21:3, 4.

Met sia pwal tongeni káé seni Paipel?

• Kot epwe néúnéú Jesus le amóeló meinisin ekkewe riáfféú ewe Tefil a efisi.​—1 Johannes 3:8.

• Aramas mi múrinné repwe manaw tori feilfeiló chék wóón fénúfan fán kinamwe.​—Kölfel 37:9-11, 29.