Met Sipwe Apasa Ussun Ekkewe Chassi

The Watchtower September 2007

“Lapengeni iteitan rän sia rongorong pworausen an aramas föfföri ekkewe föfför mi ngaü. [Aweweei eü pworaus ra silei pun a kerän fis.] Ka fen ekieki ika mi wor eü popunlapen minne mi ngaü nge mi monomon a fen etipetipa aramas? [Mut ngeni an epwe pölüeni. Mwirin älleäni Pwäratä 12:12.] Ei chassi epwe aweweei ifa ussun sipwe tongeni tümünü kich seni minne mi ngaü. Neman kopwe ekieki ifa ussun äm aua tongeni anöünöü ekkei chassi nge ese kamö. Popun pun kälisitään ach ei angangen asukul woon unusen fönüfan a fis me ren an aramas pwisin awora monien älillis. Ika ka mochen awora ekis om monien älillis, ua fokkun pwapwa le angei.”

The Watchtower Sept. 15

“Ua mochen silei ika met om ekiek woon ei pworaus a apasa. [Älleäni Tuteronomi 32:4.] Ika Kot mi fokkun watte an manaman me mi pwüng, ka fen ekieki ika met popun a kon watte ekkewe riäfföü me föfför mi ngaü woon ei fönüfan? [Mut ngeni an epwe pölüeni.] Ei chassi a aweweei ewe popun Kot a mutatä föfför mi ngaü an epwe sopwosopwolo tori ikenäi.”

Awake! Sept.

“Met om ekiek ren ekkewe taifun me lö watte, ekkana mettoch ina letipen Kot? [Mut ngeni an epwe pölüeni. Mwirin älleäni Tuteronomi 32:4.] Ei chassi epwe äweweei met popun Kot a mutatä ekkana taifun me lö watte ar repwe fiffis. Epwe pwal menlapei ifa ussun sipwe tümünü ach kewe famili.”