Met Sipwe Apasa Ussun Ekkewe Puk

Ewe Leenien Mas June 2009

Älleani Mattu 24:3. Mwirin apasa: “Ekkoch ra ekieki pwe ei kapas eis a weneiti sopwoloon ei fönüfan. Ka lükü pwe ei fönüfan epwe talo? [Aüseling ngeni meefian.] Pölüwan me ren Jises a ngenikich äpilükülük lon mwach kkan pwe och mettoch epwe talo nge esap ei fönüfan, ei pworaus epwe äweweei ena.” Menlapei ewe pworaus a poputä lon pekin taropwe 22.

Awake! June

“Kich meinisin sia silei emön mi fen mälo. Ka ekieki pwe epwe wor popun ach sipwe lolilen pwe eli ekkoch leir repwe song me mochen efeiengaüakich? [Aüseling ngeni meefian. Mwirin älleani Än Salomon Afalafal 9:5, 6.] Ka tongeni küna aurur seni ei pworaus.” Menlapei ewe pworaus a poputä lon pekin taropwe 22.

Ewe Leenien Mas July 2009

“Mi kon iteföülo ekkewe puken älillis ussun tümünün semirit, tong me än emön küna menemenöch lon manauan. Ekkena sokkun puk mi älillisöch ngonuk? [Aüseling ngeni meefian.] Chommong ra fen likitalo ewe populapen ekkewe kapasen emmwen mi alükülük. [Älleani 2 Timoti 3:16.] Ei puk a äweweei pwata sipwe lükü ewe Paipel me äweweei ekkoch kapasen emmwen mi älillisöch lon.”

Awake! July

“Chommong ikenäi ra letipechou. Ka ekieki pwe Kot a afaani iir kewe mi küna weires lon letiper? [Aüseling ngeni meefian. Mwirin älleani Köl fel 34:18.] Ei puk a äweweei ifa ussun chokkewe mi letipechou repwe tongeni küna älillis seni Kot, pwal mwo nge ekkewe mi angei älillis seni pioing. A pwal awora kapasen pesepes ifa ussun sipwe aururuur.”