Met Sipwe Apasa Usun Ekkewe Puk

Ewe Leenien Mas July 2009

“Mi kon iteföülo ekkewe puken älillis usun tümünün semirit, tong lefilen aramas me än emön küna menemenöch lon manauan. Ekkena sokkun puk mi älillisöch ngonuk? [Aüseling ngeni meefian.] Chommong ra fen likitalo än Paipel kapasen emmwen mi alükülük. [Älleani 2 Timoti 3:16.] Ei puk a äweweei pwata sipwe lükü ewe Paipel me a awora ekkoch kapasen emmwen mi älillisöch.”

Awake! July

“Lap ngenikich sia kilisou ngeni met semach me inach ra fen äiti ngenikich. Ka meefi pwe sia süfölüngaw ika sia chosani äitien pwisin ach lamalam sia käeö seni le kükkünüch? [Aüseling ngeni meefian. Mwirin, älleani 1 Jon 4:1.] Ei pworaus epwe äiti ngenikich ika mei mwääl ach sipwe siwili ach lamalam.” Menlapei ewe pworaus a poputä lon pekin taropwe 28.

Ewe Leenien Mas August 2009

“Chommong aramas ra meefi weires le weweiti nöür Paipel. A pwal ina usun meefiom? [Aüseling ngeni meefian.] Me ren ei wokisin, ewe Chon Föri ewe Paipel a mochen ach sipwe weweiti me küna feiöch seni an we Kapas. [Älleani Köl Fel 119:130.] A wor ülüngät kapasen pesepes lon ei puk, epwe älisikich le weweiti ewe Paipel.”

Awake! August

“Meinisin kich sia fen küna aapap seni aramas. Met om ekiek, met meefien Kot usun ena föfför? [Aüseling ngeni meefian. Mwirin, älleani Fofor 10:34, 35.] Ewe Paipel a tongeni älisikich le likiitü ika aramas ra aapap ngenikich. Nge ika sia pwal eäni ena napanap aapap, ewe Paipel a pwal tongeni älisikich le pöütalo. Ei puk epwe äweweei ena.”