Pworun Kapas Eis

◼ Met kopwe föri ika emön a erenuk pwe kopwe kaülo le afalafal?

Lon ekkoch leeni, ewe polis a fen ereni ekkoch chon afalafal ar repwe kaülo le afalafal pun ra atai allükün mwu. Ika a fis ngonuk, mi lamot kopwe tipemecheres le älleasochisi alon ewe polis me lo seni ewe leeni. (Mt. 5:41; Fil. 4:5) Kosap sotun äwena are äwewe ngeni usun om pwüng le afalafal me ren ewe allük. Ika mi tufich, ka tongeni eisini itan fän fäiro me menni ofes a kan angang lon. Iwe mwirin, mwittir esile ngeni ekkewe elter met a fis, iir pwisin repwe repot ngeni ewe keangen ofesilap. Pwal ina chök usun, ika ewe sou tümünü eü pwin imw a erenuk pwe kopwe sü seni ena leeni, kopwe mwittir lo seni me esile ngeni ekkewe elter. Ika ka pwäratä mosonoson me tipetekison ngeni ekkeei aramas, iwe esap pwal wattelo ewe osukosuk.—SalF. 15:1; Rom 12:18.