Pwata Sipwe Mwittir Feiló?

Atun sia mwich fán iten angangen afalafal, sia kan nóm lein chienach kewe, iwe lap ngeni sia mochen pwóppwóróus ngeniir. Iwe nge, sárin ewe mwich a lamot ach sipwe achocho le mwittir feiló ngeni ach we leenien afalafal. Ach angangen afalafal a fókkun atapwalapwal. (2 Tim. 4:2) Ika sia mmang, iwe a pwal kúkkúnúló ach fansoun afalafal. Epwe wor ach watteen fansoun le pwapwaiti ach akkapéchékkúlafengenikich me chiechiach kewe atun sia angangfengen lón ewe angangen afalafal. Ach mwittir feiló afalafal a pwáraatá pwe sia achocho lón ach angang ngeni Jiowa me Néún we.​—Rom 12:11.