Met Sipwe Apasa Usun Ekkewe Puk

Ewe Leenien Mas February 2010

“A ü fengen meefien chommong lamalam usun ünnün sakaw. Met om ekiek, epwe ifa meefien Kot usun än emön ükkün sakaw? [Aüseling ngeni meefian.] Inaamwo ika ewe Paipel a apasa pwe Jises a föri eü manaman ren an ewili ewe konik ngeni wain, nge iei met a pwal apasa. [Älleani Än Salomon Fos 23:20a.] Ei puk a affata än ewe Paipel kapasen emmwen mi pwüng usun ünnün sakaw.”

Ewi Leenien Mas February 2010

“Ka ekieki pwe ekkewe mi mälo ra tongeni älisi ekkewe mi manau? [Aüseling ngeni meefian.] Kot a awora pölüwen ei kapas eis lon ewe Paipel. [Älleani Än Salomon Afalafal 9:5.] Ei puk a awora chommong pworaus usun ei mettoch.” Äiti ngeni ewe lesen lon pekin taropwe 25.

Ewi Leenien Mas March 2010

“Chommong aramas ra lükü pwe ika ra mälo repwe feitä läng. Ka pwal eäni ena sokkun äpilükülük? [Aüseling ngeni meefian.] Nengeni met Paipel a apasa usun ekkewe aramas mi mürinnö. [Älleani Kölfel 37:29.] Ei puk a äwewefichi met ewe Paipel a apasa usun iö kewe repwe feitä läng, me met repwe föri ikena ie.”

Ewi Leenien Mas March 2010

“Ka meefi pwe napanapen föfförün aramas ikenäi a ännetatä pwe sia manau lon ewe fansoun ewe Paipel a äweweei usun lon 2 Tim. 3:1-5? [Älleani.] Ei puk a awora ekkoch kapasen emmwen ika ifa usun sipwe tongeni älisi chokkewe ra küna kirikiringaw. Äiti ngeni ewe pworaus lon pekin taropwe 8.