Met Sipwe Apasa Ussun Ekkewe Puk

Ewe Leenien Mas February 1

“Aramas woon fönüfan a sokkofesen meefier ussun Meri, inen Jises we. Met me reom? [Aüseling ngeni meefian.] Ewe Paipel a äitingenikich pwe Meri a eäni eü wis mi kkolo seni aramas meinisin. [Älleani Luk 1:30-32.] Ei puk epwe awewe ngenikich met sipwe tongeni käeö seni än Meri we leenien äppirü.”

Awake! February

“Chommong ra lükü pwe met epwe fis lon manauer resap tongeni sü seni pun a fen akkot me mwan. Met om ekiek? [Aüseling ngeni meefian.] Me ren ei wokisin a wor ach kefil. [Älleani Tuteronomi 30:19.] Ei pworaus a äweweei woon met ewe Paipel a apasa ussun ei mettoch.” Menlapei ewe pworaus a poputä lon pekin taropwe 12.

Ewe Leenien Mas March 1

“Ka ekieki pwe Kot a etiwa meinisin lamalam? [Aüseling ngeni meefian.] Nengeni met meefian Jises ussun ei mettoch. [Älleani Mattu 15:8, 9.] Ei pworaus a affata ika Kot a etiwa sokkopaten napanapen än aramas fel ngeni.” Menlapei ewe pworaus lon pekin taropwe 9.

Awake! March

“Ikenäi chommong ra kon riäfföü ren ar aüreki moni, äkkäeüin lon ei fansoun mi weires angangen moni. En mi tipeeü ngeni? [Aüseling ngeni meefian.] Nengeni ei kapasen emmwen mi mürinnö. [1 Timoti 6:8, 10.] Ei puk a äweweei ekkoch kapasen emmwen lon Paipel epwe älisikich le tümünüöchü nöüch moni pwe sipwe meefi kinamwe.”