Áeá Ekkeei Afalafal

Le Poputááni Káéén Paipel lón ewe Áeúin Ammól fán August

“Lape ngeni meinisin lón leeniach ei sia mochen manawattam me pwapwa. Ina popun aua mochen silei meefiom wóón ei kapas eis: En mi lúkú pwe eú rán science me pekin sáfei epwe atufichikich le manaw esemuch? [Aúseling ngeni meefian.] Nengeni met a apasa ikkeei.” Áiti ngeni lúkúnúppen ewe Leenien Mas, minen July 1 me pwóróusfengen wóón ewe áeúin kapas eis me pwal mwaren eú ekkewe wokisin mi makketiw. Anéúnéú ewe puk me akkóta le liwinsefál pwe oupwe pwóróusfengen wóón ewe oruuen kapas eis.

Chechchemeni: Oupwe eáni ena pwoomw lón August 3 atun ewe mwichen afalafal.

Ewe Leenien Mas July 1

“Chómmóng aramas aua fós ngeniir a pwisin wor ar lamalam. Nge ekkóch ra erá pwe rese chúen lúkúlúk wóón lamalam. Met meefiom usun lamalam? [Aúseling ngeni meefian.] Jesus a awora kapasen emmwen mi álisikich ren ifa usun sipwe etittina eú lamalam. [Álleani Lukas 6:44a.] Ei puk a fós usun ekkóch uwa mi ngaw lamalam a uwaani. A pwal pélúweni ei kapas eis: A itá wor eú lamalam sia tongeni lúkúlúk wóón?”