‘Iten Kot epwe Pin’
1. Ifa itelapen ewe mwichelap lon 2012, me a longolong woon met?
1 A ifa me feiöchüch pun sia iteit seni iten Jiowa, ewe Sou Nemenem mi Unusen Tekia seni meinisin! Jiowa pwisin a ngenikich itach we, Chon Pwäratä Jiowa, iwe, poputä seni ewe ier 1931, sia sillelo ren wesewesen iten Jiowa we mi sokkolo aüchean. (Ais. 43:10) Jises, nöün we äläemön, a fokkun ätekiatääi iten Kot we, a pwal akkomwa lon ewe iotekin ach samol. (Mt. 6:9) Itelapen ach we mwichelap lon 2012, “Iten Kot Epwe Pin,” a alongolong woon alon Jises we.
2. Met sokkun pworaus epwe katowu lon ewe mwichelap?
2 Met Sipwe Rongorong: Lon Ammol, ewe afalafal itelapan, “Föri Angangen Pioneer le Esilefeili Iten Kot we” epwe apworausa ewe popun ewe angangen pioneer a atoto feiöch. Sipwe aüseling ngeni rüänü afalafal fän ei itelap: “Tümünü pwe Kete Eitengawa Iten Jiowa we,” iwe, epwe älisikich le tii senikich rüänü ssär. Ewe afalafal itelapan “Pwata Iten Kot we Epwe Pinilo” epwe pölüweni ekkeei kapas eis: Met epwe älisikich le afalafal fän tinikken atun aramas rese mochen aüseling?, me, Met epwe älisikich le lipwäköch lon ewe angangen afalafal? Ekkewe mi kerän fiti mwich repwe pwapwaiti ewe afalafal fän iten aramas meinisin, itelapan “Jiowa Epwe Epinaalo Itan we mi Lapalap lon Armaketon.”
3. Ifa wisach we mi fokkun aüchea, me ifa usun ei mwichelap epwe älisikich?
3 Ekiselo chök Jiowa epwe epinaalo itan we. (Is. 36:23) Nge iei a nom rech eü wis mi fokkun aüchea le ätekiatääi weween iten Jiowa we mi pin. Sia lükülük pwe ekkeei ruu ränin mwichelap epwe älisi emön me emön leich le apwönüetäöchü wisach usun chon pwäratä iten Kot we.