Mi Fet Torotoren Nöüch Kewe Puk?

Mi och ach sipwe eäni ena kapas eis usun ekkewe puk sia kan anöünöü ngeni aramas. Eli ach ei mwicheich epwe itengaw ika nöüch kewe puk ra nnum, ölüöngaw, pwül, are kkamw, iwe epwe erikalo ekiekin aramas seni ewe pworaus mi mürinnö lon ekkena puk mi tongeni älisiir le küna manau.

Ifa usun sipwe tümünüfichi torotoren nöüch kewe puk? Chommong ra atorotoröchü masouen ar kewe pwotou. Weween pwe a wor leenien eü me eü sokkun puk me tract lon ar pwotou. Lupwen ra eniwilalong nöür puk me Paipel lon ar pwotou, ra tümünü pwe esap kinumw ekkewe ekkoch puk mi fen nom lon. Ekkoch chon afalafal ra walong ekkewe puk lon plastic. Ese lifilifil ifa usun sia tümünü nöüch kewe puk, nge sise mochen pwe ach angangen afalafal epwe itengaw ika rese torotoröch.​—2 Kor. 6:3.