Afalafal ngeni “Aramas Ese Lifilifil”
1. Ifa usun ekkewe chon afalafal mi lipwäköch ra usun chök emön chon angang mi angangöch ren pöün?
1 A wor nöün emön chon angang mi angangöch ren pöün sokkopaten pisekin angang me a silei ineet me ifa usun epwe nöünöü eü me eü. A pwal ina usun kich, a wor nöüch sokkopaten pisekin angang mi älisikich le apwönüetäöchü ach angang usun emön chon afalafal. Äwewe chök, a chommong ekkewe brochure mi menlapei sokkopaten itelap ra fen fför pwe repwe älisikich le afalafal ngeni “aramas ese lifilifil.”—1 Kor. 9:22.
2. Ineet sipwe nöünöü ekkewe brochure lon ach angangen afalafal?
2 Atun sipwe Nöünöü ekkewe Brochure: Emön chon angang mi angangöch ren pöün epwe nöünöü nöün kewe pisekin angang ineet atun a kon lamot. A pwal ina usun kich, eli sipwe anöünöü eü brochure ineet atun sia meefi pwe epwe lamot ngeni aramas, nge sisap chök anöünöü lon ewe maram mi affat pwe sipwe anöünöü lon. Äwewe chök, ika sipwe anöünöü ewe puk Paipel A Apasa atun sia afalafal ngeni emön chon imw ese lükü Kraist me ese kon äfänni ewe Paipel, iwe, eli epwe öch sipwe anöünöü ewe brochure mi fich ngeni. Mwirin, atun a pwapwaiti, iwe, sipwap äweweei ngeni usun ewe puk Paipel A Apasa.
3. Pwata sipwe lipwäköchülo le nöünöü nöüch kewe puk me brochure lon ach angangen afalafal?
3 Ewe Paipel a apünga chokkewe mi lipwäköch lon ar angang. (SalF. 22:29) Nge ren enletin, esor eü angang mi kon lamot ikenäi lap seni ewe angangen “afalafala ewe Pworausen Manau seni Kot.” (Rom 15:16) Sipwe achocho le lipwäköchülo le nöünöü nöüch kewe puk me brochure pwe sipwe wiliti “chon angang esap säw ren an angang.”—2 Tim. 2:15.