“Anöünöü Ewe Leenien Mas, Minen loom, are Puk mi Weneiti ewe Chon Imw”

A fen katowu kapasen pesepes ngenikich pwe atun sia anöünöü ewe puk Met ewe Paipel A Wesewesen Apasa me achocho le poputääni käeöön Paipel, nge ika ewe chon imw a fen nöüni ewe puk me ese mochen käeö, iwe, sipwe chök “anöünöü ekkewe Leenien Mas, minen loom, are puk mi weneiti ewe chon imw.” Pwata?

A wor sokkopaten pworaus mi lamot lon ekkewe puk, 32 pekin taropwe lon, me Ewe Leenien Mas, minen lon ekkewe maram, iwe, eli eü me leir epwe achchüngü letipen ewe chon imw. Ina popun, atun ka anükünükü masowen om pwotoun afalafal, pwal walong ekkewe sokkopaten puk, 32 pekin taropwe lon, me Leenien Mas. Ika esor noum, eli ka tongeni angang me ren ewe chon tümünü puk. Ika ewe chon imw a fen nöüni ewe puk, itelapan, Paipel A Apasa me ese mochen käeö, ka chüen tongeni eppii ngeni ekkewe Leenien Mas are puk me ngeni met a mochen älleani. Mwirin, akkota pwe oupwe chufengensefäl. Neman mwirin och fansoun, epwe poputä le käeö.