Äeä Ekkeei Afalafal

Le Poputääni Käeöön Paipel lon ewe Äeüin Ammol fän June

“A fiffis ewe angangen papatais lein chommong Chon Kraist. Met om ekiek? Mi lamot papatais? [Aüseling ngeni meefian.] Lon ei lesen a wor ekkoch pworaus mi amwarar.” Eiti ngeni ewe chon imw Ewe Leenien Mas minen May 1, me ppii ekkewe pworaus fän ewe äeüin itelap kisikis lon pekin taropwe 10 me mwaren älleani eü me lein ekkewe wokisin. Anöünöü ngeni Ewe Leenien Mas me akkota pwe kopwe liwin me pworaus woon pwal ena eü kapas eis.

Ewe Leenien Mas May 2012

“A chommong lamalam mi sokkopat ar lükü me napanapen ar fel. Om ekiek nge meinisin chokkewe mi erä pwe iir Chon Kraist, itä iir wesewesen Chon Kraist? [Aüseling ngeni meefian.] Me ren Jises, iei eü esissillen ekkewe Chon Kraist mi enlet. [Älleani Jon 13:34, 35.] Ei Leenien Mas epwe pworaus woon nimu alon Jises kewe mi älisikich le esilla ekkewe mi wesewesen tapwelo mwirin.”

Poputääni Chon Käeö Ren ewe Tract, Ka Mochen Silei ewe Enlet?

Eiti ngeni ewe chon imw ewe tract, Ka Mochen Silei ewe Enlet? me itini ekkewe kapas eis woon lükünpöön. Mwirin apasa: “Ikkeei ekkoch kapas eis mi mürinnö ewe Paipel a pölüwenöchü. Ka fen piin eäni ekkeei kapas eis?” Mwirin än ewe chon imw pölüweni, pworausfengen woon pölüwen ewe kapas eis seni ewe tract, me älleani eü me lein ekkewe wokisin. Akkota pwe kopwe liwinsefäl me pworausfengen woon pwal eü kapas eis seni ewe tract.