Án Chón Pwáraatá Jiowa Web Site, Áeá le Álisi Emén mi Eáni Eú Sókkun Fós

Áiti Ngeni Ach Web Site: Áiti ngeni ifa usun a tongeni áeá ewe “Site Language” list pwe epwe kúna ewe Web site lón pwisin an fós. (Lón ekkóch fós, a chék wor ekkóch kinikinin ena site epwe tongeni pwá.)

Áiti Ngeni eú Web Page lón Pwisin an Fós: Tétá lón eú page seni eú me lein néúch kewe puk, usun chék ewe puk Bible Teach (Paipel A Apasa) are ewe tract Know the Truth (Silei ewe Enlet). Filatá ewe fós ewe chón imw a eáni seni ewe “Read in” list.

Mut Ngeni an Epwe Aúseling Ngeni eú Lesen: Kútta eú lesen mi wor lón án ewe chón imw fós me ettiki ngeni. Ika ka kákkáé pwal eú fós, iwe kopwe emúrinnéló óm káé ren óm akkaúseling ngeni ekkewe pwóróus mi record lón ena fós atun ka állea.​—Ló ngeni “Publications, Books & Brochures” are “Publications, Magazines.”

Afalafal Ngeni Ekkewe mi Selingepúng are Awemwéch: Ika ka kúna emén mi selingepúng are awemwéch, iwe kopwe ettiki ngeni eú sign-language fitio seni eú sópwun seni Paipel, eú puk, eú brochure are eché tract.​—Ló ngeni “Publications, Sign Language.”

[Lios lón pekin taropwe 6]

(Ren unusen napanapan, ppii ewe puk)

Sótuni ewe jw.org

1 Tiki ▸ pwe epwe ttik ewe mettóch ka filatá le aúseling (ika a kawor lón óm fós) are tiki eú me lein ekkewe “Download Options” pwe kopwe kapiinawu ewe puk are brochure.

2 Filatá pwal eú fós seni ewe “Read In” list le eppiewu ena page lón ena fós.

3 Tiki “Next” are ewe link lón ewe “Table of Contents” le álleani pwal eú lesen are sópwun.