Néúnéú Ekkewe Video lón Óm Asukula Aramas
Atun Jiowa a ereni Apraham me Jeremaia ekkewe pwóróus mi lamot, ese chék ereniir nge a féri ena ren an akkatola ngeniir och mettóch pwe repwe mwittir káé lesen seni. (Ken. 15:5; Jer. 18:1-6) Sia tongeni álisi néúch kewe chón káé le weweiti me áfánni ewe enlet seni Paipel ren ach akkatola ngeniir och minen katol, áwewe chék ren ekkewe video pwe repwe mwittir weweiti ewe lesen. Ikkeei ekkewe minen álillis ren ineet atun ekkóch néúch kewe video repwe tongeni ffich. Chechchemeni mwo pwe ekkeei mettóch iir chék minen álillis. Nge kopwe ekieki nónnómun emén me emén noum kewe chón káé ren ineet me menni video kopwe akkatola ngeniir.
Ewe puk Paipel A Apasa
◻ Sópwun 1: Mwirin parakraf 17, akkatola ngeni The Wonders of Creation Reveal God’s Glory (Amwararen Férien Kot Kewe Ra Pwári Lingen Kot)
◻ Sópwun 2: Le muchulóón, akkatola ngeni ewe The Bible—Mankind’s Oldest Modern Book (Ewe Paipel, Néún Aramas we Puk Minen Lóóm Seni Meinisin nge a Álilliséch lón ach ei Fansoun)
◻ Sópwun 9: Mwirin parakraf 14, akkatola ngeni ewe Jehovah’s Witnesses—Organized to Share the Good News (Chón Pwáraatá Jiowa, Ra Kókkótéch le Afalafala ewe Kapas Allim)
◻ Sópwun 14: Le muchulóón, akkatola ngeni The Bible—Its Power in Your Life (Ewe Paipel, A Manaman lón Manawom)
◻ Sópwun 15: Mwirin parakraf 10, akkatola ngeni ewe Our Whole Association of Brothers (Ach Mwicheichen Pwipwi Wóón Unusen Fénúfan)
Ewe puk “God’s Love”
◻ Sópwun 3: Mwirin parakraf 15, akkatola ngeni ewe Young People Ask—How Can I Make Real Friends? (Sáráfé Ra Eis, Ifa Usun Epwe Wor Chiechiei mi Múrinné?)
◻ Sópwun 4: Le muchulóón, akkatola ngeni ewe Respect Jehovah’s Authority (Suféliti án Jiowa Nemenem)
◻ Sópwun 7: Mwirin parakraf 12, akkatola ngeni ewe No Blood—Medicine Meets the Challenge (Ese Wor Áeáán Chcha, Pekin Sáfei a Ataweei)
◻ Sópwun 9: Mwirin parakraf 6, akkatola ngeni ewe Warning Examples for Our Day (Pwóróus Mi Éúréúrakich lón Ach ei Fansoun)
◻ Sópwun 17: Le muchulóón, akkatola ngeni ewe ‘Walk by Faith, Not by Sight’ (‘Manaw lón Lúkúlúk, nge Sap lón Met Sia Kúna’)
Mi pwal wor ekkóch video epwe tongeni álisi emén me lein noum kewe chón káé? Áwewe chék, chókkewe mi kúna riáfféú mwáál repwe péchékkúl ren ar katol ewe Faithful Under Trials—Jehovah’s Witnesses in the Soviet Union (Tuppwél fán Riáfféú, Chón Pwáraatá Jiowa lón Soviet Union) are ewe Jehovah’s Witnesses Stand Firm Against Nazi Assault (Chón Pwáraatá Jiowa Ra Úppós fán Riáfféú Seni Chón Nazi). Neman epwe álilliséch ngeni ekkewe sáráfé ekkewe video Pursue Goals That Honor God (Achocho Ngeni Ekkewe Angang Mi Asamolu Kot) me Young People Ask—What Will I Do With My Life? (Sáráfé Ra Eis, Met Upwe Féri Ngeni Manawei?) Makketiw lón pwisin noum kewe kapiin Paipel A Apasa me “God’s Love” puk pwe kopwe chemeni ineet atun kopwe fichi eféú video ngeni noum we chón káé are ngeni an epwe paro. Ika a pwal kawor fiteféú mineféén video, kopwe ekieki ifa usun kopwe néúnéú pwe kopwe achchúngú letipen noum kewe chón káé.—Luk. 24:32.