Ámúrinnééló Tufichich lón ewe Angangen Afalafal ren Ach Áiti Ngeni Aramas Eú Káéén Paipel ren Ach Néúnéú ewe Puk Paipel A Apasa

Pwata A Lamot: Neman chómmóng aramas resap weweiti weween ach ereniir pwe sia etiwer le káé Paipel nge ese kamé. Eli ra ekieki pwe repwe fiti eú kúmiin káé are repwe eáni och sókkun káé mi fis ren mammak taropwe. Iwe lap seni óm kopwe etiwer ar repwe káé, pwata kese pwomweni ewe káé? Lón fitu minich chék pwal mwo nge oroppen asamer kewe ka tongeni áiti ngeniir pwe káé Paipel a mecheres me a mmen apwapwa.

Usun Ach Féri:

Mwirin óm apasa itom, eisini ewe chón imw ika a lólilen usun mwachkkan.
Ereni pwe chómmóng aramas a pwal ina met ra lólileniesini me áiti ngeni ekkewe itelap lón ewe puk Paipel A Apasa. Áweweei pwe ei puk a wor ekkewe lesen mi mecheres án emén epwe weweiti. A áiti ngeni aramas met Paipel a apasa usun mwachkkan me pwal ekkóch pwóróus. Eisini menni sópwun a sani.
Ngeni eú puk me suuk ngeni ewe sópwun ewe chón imw a sani. Áweweei pwe pélúwen ekkewe kapas eis lepoputáán ewe lesen ra nóm lón ekkewe parakraf.
Tingorei ewe chón imw an epwe álleani ewe áeúin parakraf ika mi tufich. Mwirin álleani ewe kapas eis fán iten ena parakraf me pwóróusfengen wóón pélúwan. Suuk ngeni me pwóróus wóón ekkewe wokisin mi riri ngeni pélúwan. Áiti ngeni met ka erii lón noum we puk.
Iwe ló ngeni ewe parakraf mwirin nge lón ei atun kopwe tingorei ewe chón imw an epwe sótuni le pélúweni ewe kapas eis lón pwisin an fós.
Apúnga me akkóta pwe kopwe liwinsefáliti me áwesaaló ewe lesen.
Ika mi tufich, fichi ngeni ewe video wóón jw.org itelapan Met A Fiffis lón Eú Káéén Paipel?

Sótuni fán Ei Maram:

Tingorei Jiowa pwe epwe efeiéchú óm achocho le poputááni eú mineféén chón káé.—Fil. 2:13.
Sótun áiti ngeni emén eú kókkótun káéén Paipel ren óm néúnéú ewe puk Paipel A Apasa are fichi ngeni ewe video Met A Fiffis lón Eú Káéén Paipel? mwaren fán eú iteiten ka feiló afalafal.