Áeá Ekkeei Afalafal

Le Poputááni Káéén Paipel lón ewe Áeúin Ammól fán October

“Rán allim. Ám aua chék etto ekis chuuruk pwe aupwe áiti ngonuk ei minen álillis mi núkúnúk epwe álisi ekkewe pwúpwúlú le asópwéchúúr. Óm ekiek nge ifa ewe mettóch a kon eppeti an ekkewe pwúpwúlú repwe pwapwa?” [Aúseling ngeni meefian.] Áiti ngeni lúkúnúppen ewe Leenien Mas minen September 1 me pwóróusfengen usun ewe pwóróus fán ewe áeúin kapas eis me mwaren eú ekkewe wokisin ese makketiw masouan. Anéúnéú ewe puk me akkóta le liwinsefál me pwóróus wóón ewe pwal eú kapas eis.

Ewe Leenien Mas September 1

“Ám aua chék etto chuuruk pokiten chómmóng aramas lón leeniach ei ra ekieki ika pwata Kot a mutatá chómmóng riáfféú. Ka fen mwo ekieki usun ena mettóch? [Aúseling ngeni meefian.] A mmen amwarar an ewe Paipel pwonei pwe epwe wor eú fansoun atun kechiw me metek repwe móróló. [Álleani Pwärätä 21:4.] Ei puk epwe kapas usun nimu popun a wor chómmóng riáfféú. A pwal affata met ewe Paipel a apasa ika epwe ifa usun án Kot epwe aúkatiw riáfféú.”