Áeá Ekkeei Afalafal

Le Poputááni Káéén Paipel lón ewe Áeúin Ammól fán October

“Ám aua etto ekis chuuruk pwe sipwe pwóróus usun eú mwú mi múrinné. Óm ekiek pwe ese lifilifil menni mwú a tongeni tufichin asopwaló ekkewe osukosuk watte usun choweán féfférún akkachofesá me pwúngúngaw?” Aúseling ngeni meefian. Áchema ngeni ewe chón imw pwe lón ewe Iótekin ach Samol, Jesus a áiti ngeni néún kewe chón áppirú pwe repwe ióteki ena sókkun mwú an epwe war, ina án Kot we Mwú. Eppii ngeni lúkúnúppen ewe Leenien Mas minen October 1, me pwóróusfengen wóón ena pwóróus fán ena áeúin kapas eis me mwaren álleani eú me lein ekkena wokisin rese makketiw masouer. Anéúnéú ngeni ena puk me akkóta le liwinsefál pwe oupwe pwóróus wóón pwal ena eú kapas eis.

Ewe Leenien Mas October 1

“Aua ekis pwóróus ngeni ekkóch usun ekkeei kapas lón ewe iótek mi terú, ewe iótek Jesus a áiti ngeni néún kewe chón áppirú. [Álleani Mateus 6:9, 10.] Ka fen piin rong áwewe mi fataffatéch usun met weween ewe Mwúún Kot me pwata Jesus a kon ekilapei ena lón an we afalafal? [Aúseling ngeni meefian.] Ei puk epwe áiti ngonuk met ewe Paipel a apasa usun án Kot we Mwú me ekkóch ekkewe feiéch mi amwarar epwe wato ngeni fénúfan.”