Áeá Ekkeei Afalafal

Le Poputááni Káéén Paipel lón ewe Áeúin Ammól fán January

“Lape ngeni aramas a pwisin wor ar ekiek usun Kot. Ekkóch ra ekieki pwe Kot eú chék manaman mi monomon. Ekkóch ra ekieki pwe Kot i emén Sam mi tong lón láng. Óm ekiek nge Kot, i met sókkun Kot?” Aúseling ngeni meefian. Áiti ngeni lúkúnúppen ewe Leenien Mas minen January 1, me pwóróusfengen wóón ewe pwóróus fán ewe áeúin kapas eis me mwaren álleani eú me lein ekkewe wokisin lón. Anéúnéú ngeni ewe Leenien Mas, me akkóta óm kopwe liwin pwe oupwe pwal pwóróusfengen wóón ewe kapas eis mwirin.

Ewe Leenien Mas January 1

“Aua ekis chuuruk pwe aupwe fós ngonuk usun och mettóch mi kan fiffis ngenikich meinisin. A weneiti málóón attongeach kewe. Kese tipeeú ngeni pwe málóón emén chienach mi áchengicheng are aramasach, ina och mettóch mi kon áweires ngenikich le likiitú fan? [Aúseling ngeni meefian.] Chómmóng ra fen kúna pwe ei wokisin a oururuur. [Álleani Aisea 25:8.] Ei puk a áweweei án Paipel kewe pwon mi apéchékkúlakich usun sópwólóón ewe mettóch máló me manawsefálin attongeach kewe.”

Le Poputááni Káéén Paipel lón ewe Áeúin Ammól fán February

“Ekkewe aramas aua fós ngeniir, a sókkópat ar ekiek usun ewe Paipel. Ekkóch ra lúkú pwe ina án Kot Kapas nge ekkóch ra ekiek pwe ina chék eú puk férien aramas. Met meefiom usun ewe Paipel?” Aúseling ngeni meefian. Áiti ngeni lúkúnúppen ewe Leenien Mas minen February 1, me pwóróusfengen wóón ewe pwóróus fán ewe áeúin kapas eis me mwaren álleani eú me lein ekkewe wokisin lón. Anéúnéú ngeni ewe Leenien Mas, me akkóta óm kopwe liwin pwe oupwe pwal pwóróusfengen wóón ewe kapas eis mwirin.

Ewe Leenien Mas February 1

“Lape ngeni aramas ra mochen kúna sópwólóón maun. Óm ekiek nge epwe wesewesen fis kinamwe wóón fénúfan? [Aúseling ngeni meefian.] Nengeni met ei wokisin a pwonei. [Álleani Kölfel 46:9.] Kopwe máirú pwe ekkewe mettóch ra fis atun me mwirin ewe Áeúin Maunen Fénúfan a anúkúnúkúkich pwe ekiseló chék, Kot epwele apwénúetá ena oesini me asopwaló maun tori feilfeiló. Ei puk epwe áweweei.”