Met Sipwe Apasa Usun Ekkewe Puk

Ewe Leenien Mas January 2011

“Chommong aramas ra lükü pwe a wor chokkewe aramas rese tongeni küner, me ra tongeni etipetipakich. Met ka ekieki? [Aüseling ngeni meefian. Mwirin, älleani Pwäratä 12:7-9.] Ei Leenien Mas epwe äiti ngenikich met ewe Paipel a apasa usun chokkana, ifa usun ra kan etipetipakich, me ika mi tufich ach sipwe pwoppworaus ngeniir.”

Ewe Leenien Mas January 2011

“A kon eletipechou ika emön lon eü famili a pwisin nielo. Met ka ekieki epwe älisi emön pwe esap pwisin nielo? [Aüseling ngeni meefian.] Ewe Paipel a äiti ngenikich met a tongeni älisi. [Älleani Rom 15:4.] Ewe pworaus lon pekin taropwe 14 a apworausa ifa usun kapasen auruur seni Paipel a älisi emön mwän mi ekiekin pwisin nielo.”

Ewe Leenien Mas February 2011

“Chommong aramas ra lükü pwe tutulap chök pworausen ewe tänipiin Ichen. Esap ämäirü ngonuk om silei pwe Jises a apasa pwe Atam me If, iir wesewesen aramas? [Aüseling ngeni meefian. Mwirin älleani Mattu 19:4-6.] Ei Leenien Mas epwe pölüweni ekkewe kapas eis aramas ra kan äkkeäni usun ewe tänipiin Ichen.”

Ewe Leenien Mas February 2011

“Chommong aramas ra meefi pwe Kot a chchüngü aramas meinisin, nge ese kan chchüngü pwisin emön me emön. Met meefiom? [Aüseling ngeni meefian.] Nengeni mwo met än Kot we kapas a apasa usun ena. [Älleani Kölfel 149:4.] Ei Leenien Mas epwe älisikich le küna pwe ewe Chon Förikich a wesewesen chchüngü emön me emön leich.”