Áeá Ekkeei Afalafal

Le Poputááni Káéén Paipel lón ewe Áeúin Ammól fán June

“Aua ekis chuuri aramas pwe aupwe pwóróusfengen usun ei kapas eis mi amwarar. [Áiti ngeni ewe áeúin kapas eis me lúkúnúppen ewe Leenien Mas minen June 1.] Met meefiom?” Aúseling ngeni meefian. Pwóróusfengen wóón ewe pwóróus fán ewe áeúin kapas eis me álleani eú are fitu me lein ekkewe wokisin. Anéúnéú ena puk me akkóta ineet oupwe pwóróusfengen wóón ewe oruuen kapas eis.

Ewe Leenien Mas June 1

“Ún suupwa a nieló orun 6,000,000 aramas iteiten ier. Óm lúkú nge aramas ra tongeni aúkúkú úkúkún watteen efeiengawen ún suupwa? [Aúseling ngeni meefian.] Chómmóng aramas ra kúna álillis ren ar repwe úkú seni ar ún suupwa are unusen ttii seniir ún suupwa ren ar káé met ekiekin Kot usun ena mettóch. Áwewe chék, ei wokisin seni Paipel a efisi án ekkóch ekieki ifa usun ar ún suupwa a efeiengawa ekkóch. [Álleani 1 Korint 10:24.] Ei puk a áweweei pwe án emén káé met ekiekin Kot usun ún suupwa a tongeni amwékútú an epwe úkú seni.”