Ámúrinnééló Tufichich lón ewe Angangen Afalafal ren Ach Ammólnatá ewe Chón Imw Epwe Pwapwaiti Ach Chuursefáli

Pwata A Lamot: Ika sia chuuri emén mi pwapwa le aúseling, sia mochen liwiniti atun a nóm lón imwan pwe sipwe achéchénú ewe pwikilin enlet sia fen fótuki. (1 Kor. 3:6) Weween pwe me mwen ach sipwe ló, mi lamot sipwe ámecheresi ach liwin ren ach silei ineet atun sipwe tongeni liwinsefál. Pwal och, a éch sipwe likiti eú kapas eis pwe sipwe pwóróusfengen wóón atun sia chuursefáli. Ena mettóch epwe amwétéresi ewe chón imw fán iten ach chufengensefál me ika pélúwan ewe kapas eis a nóm lón ewe puk sia likiti ngeni, iwe neman epwe mochen álleani. Ach ammólnatá ewe chón imw fán iten ach chufengensefál epwe ámecheresi ach liwiniti pokiten a fen kefililó ewe pwóróus sipwe fósfengen usun, me ewe chón imw a silei met sipwe pwóróus wóón. Ika sia chuursefáli, áchemasefáli ngeni pwe sia liwin pwe sipwele pélúweni ewe kapas eis sia likiti ngeni me sópweló ámi pwóróusfengen.