Awora “Mettoch mi Mürina” ren Ach Awasélaéch (Mat. 12:35a)

Ese mwáál kich meinisin sia mochen pwe ekkewe “mettoch mi mürina” mi nóm rech sipwe áeáfengen me ekkewe ekkóch ren ach sipwe “etiwaöchü ekewe wasöla.” (Rom 12:13) Ekkewe mwán mi ásimaw repwe emmweni ewe kókkótun awasélaéchú ekkewe mi wisen etto eáni afalafal me mééni ngeniir méén ar etto. Iwe nge, eli kich sia pireir le awasélaéchúúr, pún kich mi nafangaw are eli sia meefi lólilen an epwe wor aramas repwe etto lón imwach. Ach lefareni án Jesus kapasen éúréúr ngeni Marta epwe tongeni álisikich le péútaaló ena sókkun memmeef. (Luk. 10:39-42) Jesus a menlapei “ewe mettoch mi aüchea” lón ach etiwa waséla, ina ach chiechifengen me apéchékkúlafengenikich nge esap watteen mwéngé are lingéchún imw. Ach apwénúetá ei kapasen éúréúr pwe kich meinisin sipwe áeáfengen me pwiich kewe ekkewe “mettoch mi mürina” a tipeeú ngeni án Kot we Kapas.​—3 Joh. 5-8.