Tinikken le Alóllólaatáái Emén me Emén lón Féffér Múrinné

Ipru 10:24 a pesekich ach sipwe “ekiekifengeni usun ach sipwe tongeni alollolätai [“amwékútú,” NW] chienach ren ach eäni chen me föför mürina.” Sia tongeni alóllólaatáái chiechiach kewe chón lúkú ren ach isetiw leenien áppirú, me ren ach pwáraatá ach lúkú lón kapas. Kopwe apwóróusa ngeni ekkóch lón mwichefel pwóróusom mi múrinné. Akúna ngeniir pwe ka pwapwa lón óm angang ngeni Jiowa. Nge kopwe pwal túmúnú pwe kete alélléék ngeniir are ngeni ekkewe ekkóch. (Kal. 6:4) Kútta ifa usun kopwe áeá óm lipwákéch le amwékútú ekkewe ekkóch le “tong o fofor murinno” nge esap mengiringir me féffér múrinné. (Ppii ewe Ministry School puk, p. 158, par. 4.) Ika sia alóllólaatáár lón tong, iwe repwe féri féffér múrinné ngeni ekkewe ekkóch áwewe chék lón pekin aion are lón angangen afalafal.​—2 Kor. 1:24.