Áeá Ekkeei Afalafal

Ren Einetin ewe Taropween Etiwetiw fán Iten ewe Áchechchem

“Ám aua eineti ei taropween etiwetiw fán iten eú fansoun mi fókkun aúchea. Lón April 3, million aramas wóón unusen fénúfan repwe mwichfengen pwe repwe féri áchechchemenien málóón Jesus Kraist, me aúseling eú afalafal ese kamé ren ifa usun an máló a efeiéchúkich. Epwe affat lón ei taropween etiwetiw ewe kulók me leeni ia epwe fis ie ewe mwich lón leeniach ei.”

Ewe Leenien Mas March 1

“April 3 ina ránin áchechchemenien málóón Jesus Kraist we. Ekkóch lón leeniach ei repwe mwich lón ena rán pwe repwe féri áchechchemenien ena fansoun, nge mei wor ekkóch rese ekieki pwe málóón Jesus we a wor lamotan. Met óm ekiek? Ka ekieki pwe málóón me manawsefálin Jesus we mi wor lamoten ngenikich? [Aúseling ngeni meefian.] Nengeni met án Kot we Kapas a apasa usun ei mettóch. [Álleani 1 Korint 15:22, 26.] Ei Leenien Mas epwe áweweei eú feiéchún án Jesus we asoren méén kepich lón mwach, weween pwe eú rán esap wor emén wóón fénúfan epwe máló.”