Áeá Ekkeei Afalafal

Le Poputááni Káéén Paipel lón ewe Áeúin Ammól fán March

“Ám aua etto ekis chuuruk fán iten minne epwe fis lón April 14. Ena rán ina áchechchemenien málóón Jesus we. Ekkóch repwe féri áchechchemenian, pwe me rer málóón we a aúchea. Ekkóch ra tipemwaramwar ren aúchean málóón Jesus we. Óm ekiek pwe án Jesus máló a efeiéchúkich?” Aúseling ngeni meefian. Eppii ngeni lúkúnúppen ewe Leenien Mas minen March 1, me pwóróusfengen wóón ena pwóróus fán ena áeúin kapas eis me mwaren eú me lein ekkena wokisin rese makketiw masouer. Anéúnéú ngeni ena puk me akkóta le pwóróus wóón pwal ena eú kapas eis.

Ewe Leenien Mas March 1

“Chómmóng aramas ra ekieki ika pwata Kot ese áwesaaló pwúngúngaw me riáfféú wóón fénúfan. Ka ekieki pwe pokiten Kot ese chúngúkich are pokiten i a meefi pwe mi éch ngeni aramas ar repwe riáfféú? [Aúseling ngeni meefian. Iwe, álleani Johannes 3:16.] Ikaamwo chómmóng ra néúnéú ei wokisin le affata pwe Kot a chúngúkich, nge rese silei ifa usun málóón néún Kot we a enletin efeiéchúúr. Ei puk epwe áweweei ifa usun án Jesus máló a atufichi muchúlóón pwúngúngaw me riáfféú wóón ei fénúfan.”