Áeá Ekkeei Afalafal

Ewe Leenien Mas May 1

“Ika ka tongeni áwesi eú osukosuk wóón fénúfan, iwe, epwe met ena? [Mut ngeni an epwe pélúweni.] Me ren alon Paipel, Kot epwele amóeló ena osukosuk me pwal ekkewe ekkóch. [Filatá eú wokisin mi fich me álleani, usun chék Taniel 2:44; Än Salomon Fos 2:21, 22; Mateus 7:21-23; are 2 Petrus 3:7.] Iwe ei Leenien Mas epwe apwóróusa ineet me ifa usun Kot epwe féri ena siwil mi múrinné wóón fénúfan.”

Pwóróus Allim seni Kot!

“Aua chuuri ekkewe famili lón leeniom ei pwe aupwe áiti ngenikemi eú pwóróus mi apéchékkúl seni Paipel. Chómmóng aramas aua fen fós ngeniir, ra eis ika pwata ewe Kot mi tong a tongeni mutatá riáfféú mi lap wóón ei fénúfan. Met meefiom, Kot a tipeni seni lepoputáán pwe aramas repwe kúna riáfféú?” Mut ngeni an epwe pélúweni. Mwirin, suuk ngeni Lesen 5 me álleani, pwóróusfengen wóón áeúin me oruuen parakraf, me ekkewe wokisin lesópwólóón ekkena parakraf. Anéúnéú ewe brochure me akkóta le liwinsefál pwe oupwe pwóróusfengen wóón ewe oruuen kapas eis mi makkechól.