Met Sipwe Apasa Usun Ekkewe Puk

Ewe Leenien Mas January 2010

“Ka ekieki pwe eü rän Kot epwe äwesalo minne mi ngaw seni ei fönüfan? [Aüseling ngeni meefian.] Ewe Paipel a ngenikich äpilükülük. [Älleani eü wokisin mi mak lon ewe pwor pekin taropwe  7.] Ei puk a äiti ngenikich met ewe Paipel a apasa usun ineet me ifa usun Kot epwe äwesalo minne mi ngaw meinisin.”

Ewe Leenien Mas January 2010

Fos usun eü pworaus aramas ra lolileniesini lon om leenien afalafal. Iwe, mwirin eisini: “Ka ekieki pwe ei wokisin a wesewesen äweweei nonnomuch lon ei fansoun? [Älleani 2 Timoti 3:1, me aüseling ngeni meefian.] Lon ei lesen lon pekin taropwe 8, a äiti ngenikich ekkewe pisekin ännet pwe sia nonnom lon ränin le sopwoloon me met sipwe föri.”

Ewe Leenien Mas February 2010

“A ü fengen meefien chommong lamalam usun ünnün sakaw. Met om ekiek, epwe ifa meefien Kot usun chokkewe mi ükkün sakaw? [Aüseling ngeni meefian.] Inaamwo ika ewe Paipel a apasa pwe Jises a föri eü manaman ren an ewili ewe konik ngeni wain, nge iei met a pwal apasa. [Älleani Än Salomon Fos 23:20a.] Ei puk a affata än ewe Paipel kapasen emmwen mi pwüng usun ünnün sakaw.”

Ewe Leenien Mas February 2010

“Ka ekieki pwe ekkewe mi mälo ra tongeni älisi ekkewe mi manau? [Aüseling ngeni meefian.] Kot a awora pölüwen ei kapas eis lon ewe Paipel. [Älleani Än Salomon Afalafal 9:5.] Ei puk a awora chommong pworaus usun ei mettoch.” Äiti ngeni ewe lesen lon pekin taropwe 25.