Angangen Etiwetiw fán Iten Mwichelap

Iteiten ier, sia kan mwétéresiti ewe fetellap lón pekin lúkú sia kan pwapwaiti atun ewe mwichelap lón summer. Sipwe etiwa chómmóng aramas le fitikich pwe repwe pwal neni múrinnéén Jiowa. (Kf 34:8) Eú me eú kúmiin mwán mi ásimaw epwe filatá ika ifa usun epwe kon éch néúnéúéchún ewe taropween etiwetiw.

MINNE UPWE CHECHCHEMENI

• Ineet epwe fis ai we mwichelap?

• Ineet epwe poputá ewe angangen einet?

• Ineet ekkewe mwich fán iten afalafal?

• Met upwe achocho ngeni lón ewe angangen einet?

• Ié ua ekiekin etiwa?

MET KOPWE APASA?

Mwirin óm kapong, neman ka tongeni apasa:

“Wóón unusen fénúfan a fis einetin ei taropween etiwetiw fán iten minne epwe fis nge mi fókkun aúchea. Ránin, kulókun me leenian ra makketiw lón ei taropwe. Aupwe pwapwa ika kopwe fitikem.”

IFA USUN KOPWE ÁMÁÁRAATÁ AN MOCHEN?

Inaamwo ika sia mochen etiwa chómmóng aramas fán iten ewe mwichelap nge a lamot sipwe mmólnetá le ámááraatá án ewe chón imw we mochen aúseling.

Atun wiiken, ka tongeni anéúnéú ewe Leenien Mas fiti ewe taropween etiwetiw.