Ié Kewe Ra Féfféri Letipen Jiowa Lón Ei Fansoun?​—Néúnéún

Ewe brochure Ié Kewe Ra Féfféri Letipen Jiowa Lón Ei Fansoun? a ffér ach sipwe néúnéú ngeni ekkewe chón káé Paipel lepoputáán are lesópwólóón eú me eú káéfengen.a Lesen 1 ngeni 4 ra áiti ekkewe chón káé usuch. Lesen 5 ngeni 14 ra álisiir le káé usun minne sia féfféri. Me Lesen 15 ngeni 28 ra pwári ngeniir mwékútúkútún ach mwicheich. Úrúrún káéén ekkewe lesen repwe chék fiti tetteliir pún ina met a kon múrinné. Nge ika mi wor eú lesen a wesewesen weneiti och pwóróus aúchea lón ena atun káé iwe a fich le mwet ngeni ena lesen. Eú me eú lesen a chék úkúkún eú pekin taropwe ttaman me a tongeni pwóróus usun lón nimu ngeni engol minich ren ekkewe chón káé.

• Fós usun ewe kapas eis minne itelapen ewe lesen

• Álleafengen ewe lesen. Álleafóch unusan are álleani eú me eú ekkewe kinikinin

• Pwóróusfengen wóón met oua kerán álleani. Alamota néúnéún ekkewe kapas eis mi nóm fán ewe pekin taropwe me ekkewe sasing. Ekiekifichi menni lein ekkewe wokisin oupwe álleani me pwóróusfengen wóón. Menlapei pwe ekkewe itelap kisikis ra pélúweni itelapen ewe lesen

• Ika pwe mi wor eu “Alapaaló Óm Silei” pwoor, alleafengenni me pesei noum chon kae an epwe apwenueta ena pesepes