Etiwaéchúúr

Ié kewe sipwe etiwaéchú? Meinisin mi fiti ach kewe mwich, ese lifilifil ika minefé chón fiti are chiechiach kewe seni lóóm. (Ro 15:7; Ip 13:2) Eménna a tongeni emén chiechiach seni ekkóch fénú are emén ese chúen akkapwénúetá wisan wisen emén Chón Kraist nge a kerán fiti mwich mwirin fitu ier. Anchangei mwo meefiom ika en iir. Kosap pwapwa ika emén a kapong ngonuk fán tong? (Mat 7:12) Iwe, pwata kosap achocho le feiló me kapong ngeni ekkewe ekkóch me mwen me mwirin mwich? Ena mettóch epwe álisatá kinamwe me núkúnúkéch me epwe asamolu Jiowa. (Mat 5:16) Mei pwúng, eli kese tufichin fós ngeni meinisin chón fiti. Iwe nge, meinisin repwe meefi kinamwe atun oukich meinisin sipwe féri wisach.a

Sia pwári enletin awasélai aramas fansoun meinisin nge esap chék lón fansoun mi kkóló aúchean usun chék ewe Áchechchem. Atun ekkewe mi kerán fiti mwich ra kúna án Chón Kraist tong mi pwári lón féfférúr, iwe eli repwe mwékút le mwareiti Kot me fitikich lón fel mi enlet.​—Jo 13:35.