Túmúnú Óm Pwúpwúlú

Me ren Jiowa ewe pwonen pwúpwúlú a fókkun kkóló aúchean. A apasa pwe ewe mwán me ewe fefin repwe chék nómfengen. (Mat 19:5, 6) A wor chómmóng pwúpwúlú lein néún Kot kewe aramas ra isetiw leenien áppirú mi múrinné. Iwe nge, ese wor pwúpwúlú mi unuséch. A kan ppiitá osukosuk. Nge a lamot sisap eáni ewe ekiek mi chéú pwe nómfesen me mufesen ina met epwe pwákini osukosuk mi ppiitá lón eú pwúpwúlú. Ifa usun ekkewe Chón Kraist pwúpwúlú repwe túmúnú ar ririin pwúpwúlú?

Sipwe ppii ekkeei nimu mettóch mi aúchea.

1. Túmúnú letipom ren óm ttii sonuk ekkewe mettóch repwe angawaló óm ririin pwúpwúlú, áwewe chék ren núesik me minen apwapwa mi limengaw.​—Mat 5:28; 2Pe 2:14.

2. Apéchékkúla óm riri ngeni Kot, me alapaaló óm mochen le apwapwaai i lón óm ririin pwúpwúlú.​—Kf 97:10.

3. Sópweló le eáni napanapen Kraist kewe, me pwári óm tongei pwúlúwom we ren óm féri ekkewe kisikisin mettóch epwe ámecheresaaló manawan.​—Kol 3:8-10, 12-14.

4. Ámi pwóppwóróusfengen epwe ésúfél me apwapwaai letip.​—Kol 4:6.

5. Fán tong, kopwe féri pwúngún wisom ngeni pwúlúwom.​—1Ko 7:3, 4; 10:24.

Ika Chón Kraist ra asamolu pwúpwúlú, ra asamolu ewe Chón Poputááni pwúpwúlú, ina i Jiowa.

KATOL EI VIDEO WE MUST “RUN WITH ENDURANCE”​—OBEY THE RULES OF THE CONTEST, MWIRIN PÉLÚWENI EKKEEI KAPAS EIS:

• 

  Ikaamwo eú pwúpwúlú a múrinné me lepoputáán, nge met sókkun osukosuk a tongeni ppiitá?

• 

  Ifa usun án Paipel kewe kapasen emmwen ra tongeni álisi chókkewe mi meefi pwe ese wor tong lón ar pwúpwúlú?

• 

  Ikkefa ekkewe allúk Jiowa a isetiw fán iten pwúpwúlú?

• Met a lamot ewe mwán me ewe fefin repwe féri pwe epwe sópwéch ar pwúpwúlú?