Néúnéú ewe Eáni Manaw mi Pwapwa Tori Feilfeiló! le Apéchékkúla án ewe Chón Káé Lúkú Jiowa me Jesus

A lamot pwe ekkewe chón káé repwe ámááraatá ar lúkú mi péchékkúl ren ar repwe apwapwaai Kot. (Ip 11:6) Sia tongeni álisiir ren ach néúnéú ewe puk Eáni Manaw mi Pwapwa Tori Feilfeiló! Ei puken álillis a masou ren ekkewe wokisin mi lamot seni Paipel, áwewe mi ffat, kapas eis mi álilliséch, video mi amwasangasang, me lios mi ling. Ach álisi ekkewe chón káé le napanapeni napanapen Chón Kraist kewe me álisiir le ririéch ngeni Kot, a usun chék ach áeá ekkewe pisek resap tongeni kareló.​—1Ko 3:12-15.

Ekkóch aramas a weires ar repwe ekieki pwe ra tongeni wiliiti chiechien Kot, ewe rese tongeni kúna. Ina popun, a lamot ach sipwe álisiir le sissilei Jiowa me lúkúlúk wóón.

KATOL EI VIDEO BUILD FAITH IN JEHOVAH, USING “ENJOY LIFE FOREVER!” MWIRIN PÉLÚWENI EKKEEI KAPAS EIS:

• Pwata sia silei pwe ewe Chón Kraist fefin a mmólnéch fán iten ewe káé?

• Ifa usun a áeáfichi ekkóch kapas eis ren an epwe álisi ewe chón káé le uwawu meefian usun ewe wokisin lón Aisea 41:10, 13?

• Ifa usun ewe video me ekkewe wokisin a chúngú letipen ewe chón káé?

Chómmóng aramas rese weweiti ewe méén kepich, are rese meefi pwe ina án Kot liffang ngeniir. (Kal 2:20) Ina minne, a lamot ach sipwe álisiir le apéchékkúla ar lúkú wóón án Jesus asorun méén kepich.

KATOL EI VIDEO BUILD FAITH IN JESUS, USING “ENJOY LIFE FOREVER!” MWIRIN PÉLÚWENI EKKEEI KAPAS EIS:

• Pwata sia silei pwe ewe Chón Kraist mwán a mmólnéch fán iten ewe káé?

• Ifa usun a áeá ewe kinikin “Pwal Ekkóch Pwóróus” pwe epwe álisi ewe chón káé?

• Pwata a lamot ngeni ewe chón káé iótek?