PWÓRÓUS AÚCHEA SENI KAPASEN KOT

Filiéchú Ié Kopwe Pwúlúweni

Salomon a kefilingaw ren an pwúpwúlú ngeni ekkewe fefin mi fel ngeni kot chofona (1Ki 11:1, 2; w18.07 16 ¶7)

Ekis me ekis, pwúlúwen Salomon kewe ra okullu lelukan seni Jiowa (1Ki 11:3-6; w19.01 15 ¶6)

Jiowa a fókkun song ngeni Salomon (1Ki 11:9, 10; w18.07 17 ¶9)

Fitu sasing: Emén Chón Kraist fefin mi lipich a féri an pwisin káéén Paipel me a ekieki emén Chón Kraist mwán mi lipich. 1. Ewe Chón Kraist mwán a memmeef lón mwich. 2. A fiti ewe angangen afalafal lein chómmóng aramas. 3. A álillis lón túmúnún ewe Leenien Mwich.

Án Kot we Kapas a éúréúra Chón Kraist mi lipich ar repwe pwúpwúlú “lon chok ewe Samol.” (1Ko 7:39, TF) Ikaamwo emén a fen papatais, esap weween pwe i a mmólnéch ngeni an epwe pwúpwúlú. Eménna a tongeni álisuk óm kopwe angang ngeni Jiowa ren unusen letipom? Eménna a fen pwári lón manawan pwe a fókkun tongei Jiowa? Me mwen óm kopwe tipeeú ngeni pwe oupwe pwúpwúlú, awora fansoun óm kopwe silefichi ena emén ka ekiekin pwúlúweni.