Minen Álillisin Káé

Kútta Ekkewe Pwóróus mi Aúchea Ussun Jiowa

Lupwen sia álleani ewe Paipel, sia tongeni research pwe sipwe weweéchúti met sia álleani. Nge sise mochen káé ren chék an epwe lapóló ach silei Paipel. Sia mochen kútta ekkewe pwóróus mi aúchea ussun napanapen Jiowa kewe pwe epwe lapóló ach tong ngeni. Ren ach sipwe féri ena, sipwe eisini pwisin kich, ‘Met ei pwóróus lón Paipel a áiti ngeniei ussun Jiowa?’

Áwewe chék, ka tongeni kútta pwal ekkóch pwóróus ren ifa ussun Jiowa a pwáári an tong, tipáchem, pwúng me manaman. Iwe nge, mi pwal chómmóng napanapen Jiowa kewe mi amwarar ka tongeni káé ussun. Ia ka tongeni kúna me ie pwal ekkóch pwóróus ussun napanapan kewe?

A pwal wor lap seni 50 napanap ka tongeni káé ussun mi eiteitetiw lón ewe Watch Tower Publications Index fán ewe itelap “Jehovah,” mwirin ewe itelap kisikis “Qualities by Name.” Research wóón ekkewe napanap mi weneiti ewe pwóróus lón Paipel ka álleani. (Iká ka chék tongeni néúnéú ewe Research Guide for Jehovah’s Witnesses, ppii ewe itelap “Jehovah God,” mwirin ewe itelap kisikis “Jehovah’s Qualities.”)