Káé Seni Ekkewe Sasing

Néúch kewe puk ra masou ren sasing mi áiti ngenikich ekkewe pwóróus mi aúchea. Ifa ussun ekkewe sasing ra tongeni álisuk?

• Katol ekkewe sasing me mwen óm kopwe álleani ewe lesen. Ekkewe sasing ra tongeni efisi óm kopwe meseikeiti ewe lesen me pwapwaiti le álleani. Ussun chék ach kúna och mwéngé mi anné, sia fókkun mwétéresiiti le mochen mwéngé. Pwal ina chék ussun, sia mwétéresiiti ach sipwe álleani ewe lesen iká sia akkomw katol ekkewe sasing. Iwe, me mwen óm kopwe álleani eú lesen, kopwe pwisin eisinuk, ‘Ikkefa ekkewe sasing?’—Am. 7:​7, 8.

• Atun ka álleani eú lesen, ekieki iká pwata ra filaatá le néúnéú ekkewe sasing mi nóm lón. Iká mi wor ewe pwóróus únúkkún ewe sasing are ewe áweween sasing, iwe kopwe álleani. Ekieki ifa ussun ewe sasing a riri ngeni ewe pwóróus lón ewe lesen me ifa ussun a weneiti manawom.

• Mwirin óm állea, néúnéú ekkewe sasing le enniwili ekkewe pwóróus mi aúchea lón ewe lesen. Mwirin, amméúrú mesom me sótun anchangei ekkewe sasing me met ka káé seniir.

• Pwata kese katólsefál ekkewe sasing lón ei puk me ppii iká ka chechchemeni ekkewe lesen ka káé seniir?