Köl 20 (45)

Eu Iotekin Kilisou

(Kol Fel 65:⁠2)

1. Mi fich ngonuk, O Jiowa ach we King,

Aramas repwe mwareituk ren kol.

O feilo reom mi auseling iotek,

Anomukem fan om tumun me tong.

Lupwen tipis a pworacho ngenikem,

Ka chok omusalo am foffor-mwaal.

Ren chchaan Noum we ka angasakemelo;

Iei, kopwele asukulakem.

2. Mi pwapwa ir kewe ka fen filata

Pwe repwe nom lon saramen imwom.

Imwom mi fel, om kapas, nouch chon emmwen.

Am aupwe motulo ren murinnoon.

Mi aniuokkus om manaman mi pwung,

Kopwe apwungu fonufan mi ngau!

En Koten Amanau, aupwe esilei

Om we Muu mi pwung esap sopwongau.

3. Amwo kopwe pwapwa ren iotekin

Ir mi fel ngonuk won fonu unus.

Om we Muu epwe amoi’lo meinisin

Semmwen, malo, kechiu, letipeta.

Noum we epwe atailo minne mi ngau.

Foriom kewe ra puchorfengen

O kolfengen ren pwapwa o kilisou:

‘Mwareiti Jiowa, ach Kot mi ling!’