Mianmar

Makuku 136-137

Oderetu Ohunda Guru Dhaga

ZAW BAWM

OBAALIWE YAKA YA 1954

OBATIZIWE YAKA YA 1998

DHOLAGA DHA EGUMI YAYE Wali namaguliha wa mirobwe dhinviriganiha ogogo musadduweli wa ebaribari mbwenye murima waye wahifiyedha oddiginyeya odheela oderetu wa Okristu.

MWADHAHENE Lu Mai, mwadhaga, varomiliye omusunza Bibilia na Anamoona a Yehova, miyo ddahimobela owali ddimukoddihaga. Ddahivokala manivuruya oponddo vina ddahattamagiha Anamoona abale vatakulu vaga.

Musogorhomwa, ddahiroma okala namaguliha wa mirobwe dhinviriganiha ogogo, nanda ddahifiyedhana ofugeliwa. Vavirile omattiyu woroma vagonile miyo mukambura, Lu Mai wahiddiperhengezela Bibilia mmodha vamodha na njangarha nolibiha naana malebo menji a Bibilia. Ddihittambira majangarha meena addiperhengezelaiye olibiha omuyani. Mudhidhi mug’onovi musogorhomwa ddahifiyedha ononelamo wi kaddigafugeliwe kofara malago a Bibilia.

Vali miyo mukambura, ddihijeedhaga ddahattambirha attu eeli. Attuya, ali Anamoona a Yehova, mwadhaga wela wakumbirha abaali abale eeli wi addoone vina addipangarhaze. Wi addifanye awene aheedda malabo meeli. Venevo oddoona wawa waddiginya murima waga. Kaliwo mwanamudhi waga wadhile oddoona—Mbwenye attu abale bahi awirele miyo obure masaka a mundduni badhilewo.

Musogorhomwa, ddahidhowa obaxari osipitale na eredda ya febiri yatxemerhiwa tifoide mbwenye kaddana mikalelo dha opitxela mirobwedha. Mwari mwa mudhidhene obo, ddahimuttambirha muleddo mwina wadhile oddoona wahimujeedhela miyo—Munamoona mmodha wakumbirhiwe na mwadhaga. Modheela okaana ttagaraga, iyene wahipitxela mirobwe dha osasanyiwa waga. Venevo na oviyeviha ddahikaana manyazo, ddihilibela okala Namoona wa Yehova. Vyaka tanu musogorhomwa, vafuruliwe miyo mukambura, ddahakwanihedha nlibelo yaga.

[Mutoma wa nikuku 4]

Ovano ddili wowimela txitti na “nlibelo” naga na omulabela Yehova mowakwana