YEDDELO YA AKRISTU

Sabwa ya Yobolo​—Nihikaana Gari ya Ovenyihiwa Mukwani

Wubuwela Okwa wa Yezu ononivaha gari ya otanalela mareliho anakelihu musogorho sabwa ya yobolo. Nreliho noroma ku ovenyihiwa mukwani. Yehova txipo kanfuna wi attu akwege. Ezinddiyelo ya ebaribari eji, bu mukalelo oniwihu opa mmirimani nigakweliwa munammudhi wehu. (1 Kor 15:26) Vawoniye anamafara aye onlaga okwa wa Lazaro Yezu wahiwa opa mmirimani. (Jo 11:33-35) Moziweya wi mikalelo dhina Yezu ovahiwe na Babe mowakwana-mwene, iyo nihikaana nroromelo nawi Yehova onowiwa opa mmirimani aganonaga nihabaga mintori sabwa ya mmudhi wehu wokuluveleya okwile. (Job 14:7) Yehova ohimala ologa mudhidhi onavenyihiye mukwani emeleli aye ororomeleya, vamodha na iyoya.​—Job 14:14, 15.

Vowi Yehova Mulugu wa masasanyedho, nikaneni nikuluvelo wi ovenyihiwa mukwani onapadduwe na mukalelo wosasanyedheya deretu. (1 Kor 14:33, 40) Masiye anakale mburo wa wamoyelamo abale anavenyihiwe mukwani. Weyo ogafanyiwa makattamiho, onotanalelaga mapadduwo a musogorho ovenyihiwa mukwani? (2 Kor 4:17, 18) Onomutamalela Yehova sabwa ya wufurula mukwani vina onowinanelaga malebo anloga wi abale akwile anele ovenya wili?​—Kol 3:15.

Marho gani obe mmudhi gani okwile oganfuniletxiwe omoona dila yanawili?

Muttu gani olebiwe mBibiliani ogafuniletxiwe ogumanana wi muloge makani