Kuwattiye Attu a Ntakulu Nawo Omweka Yehova Ekotti

Jeremiya wahivahiwa mpaganyo wa wawaddela Ayuda otolotxiwa ogapadduwile, vowi awene ahimudduwala Yehova Mulugu. (Jer 13:25) Nlogo nttile nidhile dhavi olaliha mabasawa a omuyani? Anamudhi a Izrayel el’onyanyala malago a Yehova. Yogurumelihaya yali yawi, amwazambo a mmatakulumwa ela opwaza malago aba alebiwe va nivuruni na Olibiha 6:5-7.

Masaka abano ankalawo iyo, ovadda wa mulogo oniwanana na mabasa apama a anamudhi. Nyuwo amwazambo a ntakulu, álibihenivi amudhinyu wi ahimudduwale Yehova; okosa ejo oniwanana na Webedha wa Ntakulu wohikaanela owara. (Masal 22:27) Ogamala wona vidiyu ‘Estas palavras têm de estar sobre o seu coração’—Entrevistas com famílias, kakula mavuzo aba:

• Anamudhi enjeene ankaanaga dhavi Webedha wa Ntakulu wohijombela masiki afwanyiwa dhorutxa dhottiyana-ttiyana?

• Yopurelamo gani enkaana muttu akala onokaanavi Webedha wa Ntakulu?

• Nigafiya labo na Webedha wa Ntakulu txini dhinddizuzumihetxa, ddikose dhavi wi esidha dhihiddilemele?