Dhowakula dha Mabasa na Yeddelo Yehu ya Okristu
4-10 YA NOVEMBURU
MAFUMO A MAZU A MULUGU | 1 JOAU 1-5
“Kamufilele Mento Elabo na Dhilimo”
(1 Joau 2:15, 16) Kamufilele mento elabo na dhilimo! Onfilela mento elabo, okwela wa Mulugu Baba kulí na iyene. 16 Dha mwilaboni sisi: monlelo a bure a mwili, ojiwa murima na dhetene dhinona mento, ovithukulele na muwhaku dhetene esi kadhinda wa baba, samwilaboni.
w05 1/1 10 ddima 13
Kafara Tharho Dhinithiyedhe Yezu
13 Ena txino anologaga wi dhotene dhili mwilaboni kahiyo dhabure. Eji masiki ekalaga ebaribari, vang’ono-vang’ono elabo na dhofuna dhaye dhinodha ogwadda efunelo yehu ya omulabela Yehova. Kiwo elobo ennivaha elabo na efunelo ya waraliha mandano ehu na Yehova. Nona, akala ninokwela dhilobo dhamwilabone masiki akala dhilbodha kahiyo dhabure, ninika egumi yehu vangovini. (1 Timóteo 6:9, 10) Othiya ejuwene, dhilobo dhinji dhamwilaboni sabure vina dhinodha onitakaliha. Akala ninowona mavidiyu obe porogarama dhina mutelevizawuni dhinlagiha otimbwini, ojiwa murima na muhaku obe mararuwo, na mudhidhiya dhilobo esi kaninonegena obure—eji enodha oneha. Vina nigandanaga na athu anzuzumela voroma muhaku mwigumini mwawa obe otameletxa marondda manddimuwa, ninodha orava mukalelo obu wawa banika dhilobo esi vina vamburoni voroma mwigumini mwehu.—Mateu 6:24; 1 Korinto 15:33.
(1 Joau 2:17) Elabo na dhowunlela dhaye dhetene, dhinovira; onira eninfunana Mulugu, onokalawovi.
w13 15/8 27 ddima 18
Muvipepese Mwanya, wi Muwodhe Wang’anela Dhawira Dhenyu
18 Yina ennikamihedha owanana “dhowunlela dhetene” dhelabo, ja okalela mento mazu alogile Joau: “Elabo na dhowunlela dhaye dhetene, dhinovira; onira eninfunana Mulugu, onokalawovi.” (1 Joau 2:17) Elabo ya Satana enkala ninga enofumanvi vina enothukuwavi. Mbwenye dhotedhene esi dhinonihu, dhinela ovethiwa na labona. Satana kana elobo yonivaha ejuwene engonela okala-nokalawene. Oziwa eji ononikamihedha ohigwela munyengetheyani mwa Ddiyabo.
Nipepese Mafumo a Omuyani
(1 Joau 2:7, 8) Amudhaga okwelaya! Apa kaddinulebelani nigano niswa, ddinulebelani nakene nawale, nakelilenyu omaromelo; niganoná thi nzu nimalilenyu wiwa. 8 Nikalilevi nawale, nthi ninulebelani miyo, ninkala niswa-jilí ebaribari mwa iyene, vina mwa nyuwo-vowi nthiyu ninfuna omala, txeza yebaribari eroma omoneya.
w13 15/9 10 ddima 14
Malago a Yehova Anolaba
14 Malebo Egrego a Akristu ahinjiveliwa vaddiddi mazu anoniha ofuneya wa weddihagana n’ekalelo yokwelana muthu na mukwaye. Yezu ohiloga wi nlamulo nanewili vina ninddimuwana, ku omukwela “muthu mukwawo n’ekalelo envikwelewe.” (Mt. 22:39) Tiago munammudhi wa Yezu, ohiloga wi okwela “nlamulo namaka-makaná.” (Tia. 2:8) Murumiwi Joau ohileba: “Amudhaga okwelaya! Apa kaddinulebelani nigano niswa, ddinulebelani nakene nawale, nakelilenyu omaromelo; niganoná thi nzu nimalilenyu wiwa.” (1 Joau 2:7, 8) Joau waddana nni, venevo valogileye ddinulebelani nlamulo “nakene nawale”? Iyene waddana nlamulo na okwelana. Nali “nawale” oromana nsakanene nthili niviperekile Yezu, ‘ovenyana omaromelo-wene.’ Mbwenye nali “niswa” sabwani vanfuneya wi muthu muthu amukwele mukwaye s’emaddile. Iyo Akristu kaninthabela okala anamafwara a Yezu abuwene ankamihedhana muthu na mukweye ankwela ahang’anaga obure wa akwawa? Ekalelo eji enihu ehithiyana vaddiddi na yeddelo ya mwilaboni.
(1 Joau 5:16, 17) Akala muthu onomona mukwaye aligaga yothega ehinimutotela okwa, amulobelele; Mulugu onomvuna mukwayeyá. Eji enlogeliwa abale anira yothega ehinatotela okwa. Ekalawo yothega entota okwa. Ddínloga wi yothega ejo kaiyo yolobeleliwa. 17 Dhetene dhinirehu nivanyaga ofuna wa Mulugu dhinkala yothega; apa dhikalawo dhina, dhihindhana okwa.
It-3 243 ddima 3
Oleveleliwa
Kahiye yotakala olobelela mulogo wetene obe muthu ddi muthu onimuziwehu wi aleveleliwe dhothega. Mizé wahilobelela nlogo na Izrayel, onihaga oddawa wa athuyamo vina abwekelaga dhotega dha nlogo nthile; vina Yehova wahivuruwana dhobweka dha Mizé. (Oleb 14:19, 20) Nsaka nigomihile Salomau mparha wa Nabuya, iyene wahimulobelela Yehova wi muthu muthuvi obe mw’Izrayel ddi mw’Izrayel ondowamo obweka dhothe dhaye, Yehova amulevelele. (1Amwe 8:30, 33-40, 46-52) Ezdra wahalobelela ayuda ali vipaddi dhottiyana-ttiyana dha elabo ya masaka abale. Yehova wahilevelela dhothega dha nlogo nthile sabwa ya nlobelo na Ezdra. (Ezdra 9:13–10:4, 10-19, 44) Tiago ohiloga wi “oniwavo opa, àwithanihe anddimuwa a Mutugumano, adhé amulobelele amuthikithelaga makura na nzina na Nabuya.” (Tia 5:14-16) Mbwenye muthu onlobeleliwa ddule onkosa “yothega ehinimutotela okwa”, enoneya veneva jawi ole onthegela muya wokoddela, yothega yaye ehitabwa, kanleveliwa. Muthu onthega dhawene kanfwanyela oleveliwa.—1Jo 5:16; Mt 12:31; Aheb 10:26, 27; koona DABI, I; MUYA.
Wengesa wa Bibilia
(1 Joau 1:1–2:6) Ole, oli Nzu ninkaliha, wakalawo ovenyana omaromelo. Iyo nimwiwa, nimona na mento ehu, nimusindda, nimuddiginya na mada ehu. 2 Oddoyá onkaliha, ovyoniha; iyo nimona, nili anamona aye, ninowuziwihani nyuwo. Ninowulaleyani Ole oli egumi yohimala, wali vamodha na Mulugu Baba, odhile ovyoniha iyo. 3 Nona ninowaddela nyuwo vina dhonilehu, dhiwalihu. Dhahene munokala na iyo mumodhani mulihu na Baba na mwanaye Yezu Kristu. 4 Ninowulebelani esidhá, wi othaba wehu wakwane. 5 Mpaganyo owaddeleni iyo ovanene, nimwiwalé Yezu: Mulugu ddi warya: mwa iyene kamuli-wene eddima. 6 Nigaloga wi nili mumodhani na iyene, oku neddaga mwipipini, nilí athambi kaninvirihamo dhebaribari. 7 Vano nigeddaga muwaryani, ninga eli Mulugu muwaryani, pankala iyo mumodhani na abalihu ena. Dhahene nikami na Yezu, Mwana Mulugu ninonikoddeliha nithimihaga dhothega dhehu dhotene. 8 Nigaloga wi kanithegile, ninovipela malago nanya, kanina ebaribari. 9 Nigarumela wi nili athegi, Mulugu ononilevelela dhothega, ononikupa dhovirigana dhotene, vowi iyene kanjombiha elogileye. 10 Nigaloga wi kaninathega-wene, ninowila Mulugu muthambi, nzu naye kanilí mwa iyo.
2 Anaga, ddinowulebelani esidhá wi munathege. Akala mmodhavo wenyu onothega, nikana onnilogela wa Baba, ddi Yezu Kristu oli wokoddela murima. 2 Iyene oviperhekela okala mukutho onthimiha dhotega dhehu; kahiyo dhehuvi, ovikuthela vina dhotega dha athu otene. 3 Nigavirihamo magano a Mulugu panziwehu wi nimunona. 4 Onloga: “Ddinomuziwa Mulugu”, oku ahivirihagamo magano aye, onkala muthambi, kaneddana ebaribari. 5 Vano ofwara nzu naye ddinimukwela Mulugu vawakwana; n’eji ninoziwa wi nili mumodhani na iyene. 6 Onloga wi ddilí mumodhani na Mulugu enofuneya edde ninga yeddile Kristu.
11-17 YA NOVEMBURU
MAFUMO A MAZU A MULUGU | 2 JOAU 1–JUDA
“Nivilibihedhe Okalavi Mwibaribarini”
(Juda 3) Amudhaga okweleya! Ddiromile wale wunlela oulebelani makani anloga dha ovulumutxiwa wehu; ddabuno dditukumeleya oulibihedhani owanela nroromelo, nàvahile Mulugu kuluwi abale animuroromela.
w04 15/9 11-12 ddima 8-9
“Rugani Guru dha Nabuya”
8 Iyo niziwa mubuwelo wa Satana vowi malebo anolagiha efunelo yaye. (2 Korinto 2:11) afunaga omobaniya job Satana ohilabihedha oyelega, okweliwa anamudhe okweleya, ofwarafariwa na anamudhe, masoso mmaningoni vina othambi waloga akwaye ahinkuluveleya. Job wahiroma okubanya vina wahiroma wubuwela wi Mulugu wahimudduwala. (Job 10:1, 2) masiki akala masaka abano Satana kannimottiyedha makattamiho ninga mwamukosele job, aKristu enjene anogumanana makattamiho akene agumanilena job, ekalaga dhawene Ddiyabo onodha opura vina makathamiho aba wi akwanihedhena efunelo yaye.
9 Masaka aba omariya ngovi dhomuyani dhinothabwavi. Sabwani ninkalawo mwilaboni munzuzumeliwetxa otamela dhorela opitta dhomuyani. Mwinternetini anofanyeyamo wili-wili mazu awi okosa mararuwo nipara nohagalalana, otttiya okubanya. Vina attu enjene ‘anomageya n’ojavo elabo opitha omukurumuwela Mulugu.’ (2 Timóteo 3:1-5) Mubuwelo ninga obu onodha wika vangovini omuyani wehu, nona jofuneya ‘olibihavi owanela nroromelo.’—Juda 3.
Nipepese Mafumo a Omuyani
(Juda 4) Txibarene munikuruni mwenyu muvolowa athu dhahi ovuta, anthukula opama wa Mulugu wenyu, wi akunelena vidhivi-dhivi dha maningo awa. Dhahene anomukkodda Yezu Kristu, oli Nabuyehu mmodha bahi, Mwinya. Mbíbiliani, oromana wale munologiwa okoniwa wawa.
(Juda 12) Awene anotakaliha Mutugumano wenyu vangumanelinyu oja muthupo wa Nabuya; anogilati vamodha na nyuwo ahitoteyaga manyadho, anotamela ovona wawaví. Anoladdana na mirabo dhihinrubwa muzogwe, dhinvavihiwa na pevo. Anoladdana na miri dhihinima vansakani vawa, dhisikuwile, dhikwile kakamwene.
it-1 62
Muttupo Wa Matelo
Bibilia kanloga mwaha wa muttupo obu wa matelo, nne vina kanloga muttengo wa dila dhakosiwa muttupoya. (Juda 12) Yezu karumile muttupo obu, nne anamafara aye vina, nona kinfanyeliwa woniwa ninga nikokomedho obe ningha elobo yofuneya okosa wili-wili. Attu ena anloga wi obule wali mudhidhi wakosa akristu abale ali areli muttupo awobaga akristu akwawa ali ahawi. Venevo anampawe, amamukwela, a reli na ahawi, angilati vamodhavene wi alibihe okwela wawa.
it-3 456
Nlugu
Nzu nina na Egregu, spi·lasʹ, enkala ninga enaddiwana nlugu obe nikuru na malugu ankala oviteya mutxiddo mwa manje. Juda onolabihedha nlugu ntti wi aladdanihe na alobwana avolowa mmulogoni na efunelo yabure. Dhahene ninga malugu oviteya manjeni anokala elobo yawopiha mwa paporo, Alobwana abale vina anodha watotela ngovi attu ena a mulogoni. Iyene onloga dhahi mwaha wa alobwana aba: ‘awene malugu aviteyile mutxiddo mwa manje vangumanelinyu oja muthupo; anogilate vamodha na nyuwo.’—Juda 12.
(Juda 14, 15) Wale Enoki vina, oli nikolo notanu na wili mukwele Adamu, wakutha dha athu aba, eraga: “Nabuya onnodha na anju aye matxikwi na matxikwi wi àthonge etene, 15 àkonele avute mabasa otene abure erilani, vina mazu onyemula alogile athege opánela, amusadduwelaga iyene”.
wp17.1 12 ddima 1
“Iyene Ohimwagalaliha Vaddiddi Mulugu”
Txini yavuhulele Enoki? Bibilia onloga: ‘Mone! Nabuya onnodha na anju aye matxikwi na matxikwi wi àthonge etene, àkonele avute mabasa otene abure erilani, vina mazu onyemula alogile athege opánela, amusadduwelaga iyene.’ (Juda 14, 15) Jotikiniha oziwa wi mazuya alebiwena nivuhulo ntti, anlagiha ninga Yehovaya wahimala wakwanihedha nivuhulona. Mbwenye ottiya Enokivi, anamavuhulela enjene a mundduni ahivuhulela na mazu anlagiha ninga nivuhulona nahimala wireya. Mbwenye eji yapadduwa sabwani mavuhuloya ali okuluveleya vaddiddi, nona bagalebiwa na mukalelo woniha ninga yahimala opadduwa!—Izaiya 46:10.
wp17.1 12 ddima 3
“Iyene Ohimwagalaliha Vaddiddi Mulugu”
Nroromelo na Enoki ninonittukulela wubuwela dhahi: ninowona elabo eji ninga munonela Mulugu? Muselu walaleyile Enoki nsaka nttile, nihikana guru yakene masaka abano. Yehova wahakwaniha nivuhulo na Enoki, modhela mpulo obule vina modhela otolotxa elabo ejile yotabala. Mpulo obule ezinddiyelo yawi onele opadduwa elobo yina yottabwa musogoro vowi ninkalawo masaka oligana. (Mateu 24:38, 39; 2 Pedro 2:4-6) Ovano Yehova vamodha na anju aye ali omala nawale wi atolotxe elabo eji yotabala. Nona ninofuniwana ozuzumela nivuhulo na Enoki vina nawaddele attu ena wi momaguva Mulugu onele otolotxa elabo eji. Sabwa ya ejene akwehu obe amudhehu anodha onikodda. mudhidhi na mudhidhi ninodha ovihona nokihu. Mbwenye Yehova txipo kamunyanyalile Enoki; vina kananyanyale alabeli aye oweddeyana!
Wengesa wa Bibilia
(2 Joau 1-13) Namasu nza wawale wa Nabuya, onolebela karta eji Mutugumano ovithomele Mulugu, vina anaye alimo, anakwelim.i na murima wetene. Kaddinakwela meka, anowakwela vina etene aziwile ebaribari, 2 sabwa ya ebaribari eli mmurimani mwenyu, enere okalagamovi mpaka osogorho. 3 Mahala, thagaraga, murenddele dhi ner’okala na iyo, dhili mvaho ondha mwa Mulugu Baba, wa Yezu Kristu Mwanaye, dhinadhe woneya vali ebaribari na okwela. 4 Ddiziveliwa vaddiddi n’owafwanya vari venyu ena anedda mwibaribarini, ninga munlogela nlamulo, ninivahile Baba. 5 Ovano, anamudhi, ddinoulobani: nikwelanege. Nigano-nthi kayino niswa, thakene nakelilehu omaromelo. 6 Okwela, kuvirihamo malamulo a Mulugu. Nlamulo nisunzilenyu ovenyana omaromelo, thinthi: mweddege n’okwela. 7 Anamasunziha awota enjene, ahinfuna orumela wi Yezu Kristu ovikosa muthuwene, amwadheyela mwilaboni. Babene ankala anamanyengetha, amwiddani a Kristu. 8 Kalaní txenjewa, munadhe oyelela milima dha mabasinyu; vano muwodhe othuveliwa vawakwanela ninga munfwanyelelinyu. 9Ole onpupuruwa, athiyá ofwara masunziho a Kristu, kalí mumodhani na Mulugu. Ole oneddamovi, ddinkala mumodhani na Baba, na Mwana. 10 Onfiya vaninyu, ahinna masunziho aba, kammwakele, kammulejele. 11 Onimulejela, onoya mmabasani mwaye otakala. 12 Ddakana dhina dhinjene dhafunemi oulebelani; kaddifunile wika mukartani. Ddinojyedha odha owonaniwo, ddiloge na nyuwo na mulomo waga, wi othaba wehu wakwane. 13 Amudhinyu a Mutugumano w’okuno, oli mbali wa Mutugumano wenyu, ov ithomele Mulugu, onourumelani malejelo.
18-24 YA NOVEMBURU
MAFUMO A MAZU A MULUGU | OVUHULELA 1-3
“Ddiziwa Mabasa Anthiddiwe na Ntidi”
(Ovuhulela 1:20) Neneri tanu na bili dhonilewe madani mwaga noja, vina panti tanu na bili dha nddarhama, eviteyilemo jiji: neneri tanu na bili dhinatonya asogorheli a mitugumano mitanu na mili; panti tanu na bili, si mitugumanodhá mitanu na mili.
w12 15/10 14 ddima 8
Muya Gani Onlagihiwe?
8 Enanikamihedhe orabela muya wa elabo, ja wubuwela wi yezu onologiwa mbibiliani ninga ottiddele “neneri tanu na bili madani mwaye noja.” “Neneridha” dhinatonya asogorheli a mitugumano, dhaladdanihaga anddimuwa otene a mmulogoni. Yezu okana ewodhelo ya weddiha neneriesi dhotene madani mwaye na mukalelo ononiye wi bofanyelela. (Ovuh. 1:16, 20) ninga musoro wa mulogo wa Akristu, Yezu onowang’anela nikuru na anddimuwa a mmulogoni. Txibarene akala vari va anddimuwa a mmulogoni vanokala munddimuwa mmodha onfuna osaddeyiwa, Yezu ona “mento ninga elala ya motho” onowona vina onojedha mudhidhi womusaddeya (Ovuh. 1:14) masiki dhawene ninolagiha nriho nehu mwa abale attomeliwe na muya wokoddela, vina Paulo ohileba: “Mwakurumuwele, mwarumele asogorheli a mutugumano, vowi awene anouzuzumelani. Awene anere wakulela mabasayá vamentoni va Mulugu. Erani wi asogorhihe ddimawa nóhagalala; agalaba n’oriba murima, nyuwo vina kamunpura elo.”—Aheb. 13:17.
(Ovuhulela 2:1, 2) “Musogorheli wa mutugumano w’o Éfeso, omulebele dhahi: “Nabuya, onna madani mwaye noja neneri tanu na bili, onedda vari va panti tanu na bili dha nddarhama, ddínloga: 2 ‘Ddiziwa mabasa awo anthiddiwe na ntidi, na ovilela; ddiziwa wi kunvahana na athu otakala murima; oapima abale anvikosa arumiwi, oku ahilí; oawona wi anamota.
w12 15/4 29 ddima 11
Yehova Onele Onibarela wi Niviluwe
11 Va wonihiwa oku enfanyihu va Ovuhulela kapitulo 2 na 3, ninowonavo wi wottittimihiwa Yezu onowang’anela milogo tanu na bili dhili o Asia Mung’ono. Wonihiwawa enlagiha wi Yezu kanan’gana dhotenevi bahi, mbwenyi onowang’ana elobo mmodha-modha. Masaka mena onowakuwela athu na mazina awa vina na makaniya, iyene onovaha malago obe matamalo ofanyelela. Eji entapulela eni? Wakwanihedheya wa nivuhulo nttile milogo esi tanu na bili anaddiwana nikuru na Akristu attikitteliwe oromana yaka ya 1914, malago avahedhiwe milogo tanu na bili anolabihedhiwa milogo dhotene dhiliwo ovanene dha nikuru na Mulugu orugunuwa elabo yotene. N’eje, ninononelamo kakamwe wi Yehova modhela Mwanaye, anowang’anela nlogo naye. Ninapurelemo dhavi malago aba?
w01 15/1 20-21 ddima 20
Keddagavi na Nikuru na Yehova
20 Wi neddegevi na nikuru na Yehova jofuneya ononelamo mabasa attomeliwe Yezu Kristu na Mulugu ninga “musorho wa Mutugumano.”(Éfeso 5:22, 23) nlebo nina ninfanyela tta Izaiya 55:4, ninloga dhahi: “ddimuthomela okala mwene, namathonga wa malogo, onawoniha amwene ena owodha waga.” Txibarene Yezu onodhiwa olamulela. Iyene vina onoziwa mabila aye vina merelo dhawa. Mmalileye wang’anela milogo esile dho Asia mung’ono ohiloga dila tanu mazu aba: “Ddiziwa Mabasa awo anthiddiwe.” (Ovuhulela 2:2, 19; 3:1, 8, 15) Dhawene ninga Babe Yehova Yezu vina onoziwa dhinnijombela. Nona ahinatti wita Nlobelo nttile nafuneya ofwara. Yezu wahiloga mazu aba: “Mulugu Babinyu onoziwa mutanene dhinujombelani, nyuwo muhinathi okumbira.”—Mateu 6:8-13.
Nipepese Mafumo a Omuyani
(Ovuhulela 1:7) Mone: Iyene onnodha mmiraboni! Athu etene aner’omona, vina abale amulatile. Malogo etene a mwilaboni amonaga, anodhugudheya. Pumwenemo. Amen.
kr 226 ddima 10
Omwene wa Mulugu Onele Watolotxa Amwiddanaye
10 Ovuwihiwa wa Ottongiwa. Amwiddane otene a Omwene wa Mulugu anele okokeliwa wona elobo enatatamule osiliziwa wawa. Yezu ologa: “Venevo athu anere omona Mwana-Muthu adhaga mmiraboni n’o wodha, na nthithimiho.” (Mk. 13:26) wonihiwa oku txino jinalagihe wi Yezu ohifiya wi avuwihe ottongiwa. Mpaddi mwina wa nivuhulo ntti mwaha wa masaka omariya, Yezu onologamo mwaha wa ottongiwa oku onfuna ovuwihiwa nsaka ntto. Museluya obu ninfanya va emariya enloga mwaha wa mabila na mbuzi. (Kengesa Mateu 25:31-33, 46.) Abale ankamihedha na murima wetene Omwene wa Mulugu anattongiwe ninga “mabila” vina anere ‘othukulela kove odhulu,’ akanaga mmirimani mwawa wi ‘woboleliwa wawa oli vakukuvi.’ (Luka 21:28) Mbwenye abale anidda Omwene anattongiwe ninga “mbuzi” vina anere ‘wunla nokubanya’ wubuwelaga wi otolotxiwa wawa oli vakuvi.—Mt. 24:30; Ovuh. 1:7.
(Ovuhulela 2:7) Onna maru awiwana, avuruwane dhinloga Muya addelaga mitugumano, sisi: Ahinawodhiwe na satana muroromelani mwawa, ddinowavaha gari yoja milima dha muri óndhana egumi,oli mmunddani mwa Mulugu”.
w09 15/1 31 ddima 1
Otapuleliwa wa Nivuru na Ovuhulela—I
2:7—Txini entapulela “mundda wa Mulugu”? Ninga mazu aba anlabihedhiwa na Akristu ottikitteliwa, mundda wa Mulugu obu, txino onaddiwana mundda wa Mulugu oli wirimu—wenewale onfanyeya Mulugu. Attikitteliwi oweddeyana anele wakela gari yoja “muri óndhana egumi.” Awene anere wakela egumi yohimala.—1 Kor. 15:53.
Wengesa wa Bibilia
(Ovuhulela 1:1-11) Munivuruni-mpu muli mazu ovuhulela, akelile Yezu Kristu wa Mulugu, wi aziwihe emeleli aye dhinfuna opadduwa ovanene. Yezu omuziwiha esidhá mwimeleli waye Joau, amurumelaga anju waye. 2 Joauyá ddi namona wa dhetene dhilogile Mulugu, dhidhilé wubula Yezu Kristu. Sisene dhonileye. 3 Wagari ddule onengesela nivuru-nthi, onvuruwana mazu ovuhulela alimo, avirihagamo dhilebiwemo. Nsaka n’opadduwa esodhá, nili vakuvi. 4 Miyo Joau ddinolebela karta mitugumano mitanu na mili dhili mwilaboni y’o Ásiya. Ddinowunlelanina wakela mahala na murenddele dhinuvahani Mulugu oliwo, waliwovi, onadhe; dhinuvahani muya mitanu na mili, dhinkala vakuvi va mpaddo waye; 5 dhinuvahani Yezu Kristu, oli namona wororomeleya, muthaji w’ovenya mukwani, mwene wa amwene a mwilaboni. Iyene ononikwela , onivuna muthegani mwehu akuthulaga nikame naye; — 6 onira amwene, anamakutha vamodha na iyene wi nimwimelele Mulugu Babe. lyene avahiwe nthithimiho na owodha okala nokala-wene. Amen. 7 Mone: Iyene onnodha mmiraboni! Athu etene aner’omona, vina abale amulatile. Malogo etene a mwilaboni amonaga, anodhugudheya. Pumwenemo. Amen. 8 Miyo ddili óroma, ddili omariha-onloga ddi Nabuya Mulugu-ole oliwo, waliwovi ondha, onodha dhetedhene. 9 Miyo ddilí Joau, mbalinyu mumuroromelani Kristu, mukwenyu muwiddiwani , mujyedhani omwene wa Mulugu. Ddatxedheliwa vesuwani, enromoliwa Pátmos, sabwa y’olaleya nzu na Mulugu, vina y’okala nyakoni wa Yezu. 10 Labo dhahi, nàli siku na Nabuya, Muya oddifiyedha; ddihiwa okothi waga nzu noliba neweya ninga parhaza, 11 nilogaga: “Dhinonewe, lebá munivuruni; ngamala orumihedhe mitugumano rnitanu na rnili, dhinkala mwilaboni y’o Asia, sisi: mutugumano w’o Éfeso, w’oEsmirna, w’oPergamo, w’o Tiatira, w’o Sardes, w’oFiladélfia, na w’o Laodiseya”.
NOVEMBURU 25–DEZEMBURU 1
MAFUMO A MAZU A MULUGU | OVUHULELA 4-6
“Anameddiha a Akavalo Anayi”
(Ovuhulela 6:2) Ddihãganawo, ddimona kavalo wotxena. Wagilatilevo wakana ura mmadani mwaye. Ovahiwa ezinddyelo ya mperhe; ovenyana venevo opemberha, odhowa apemperhagavi.
wp17.3 4 ddima 3
Anameddiha a Akavalo Anayi—Anaddiwana Ani?
Munyakavalo ogilatile vakavaloni Yotxena bani? Nivuru nakene na Ovuhulela ninowakula va kapitulo 19 munyakavalo oddu onoromoliwa ninga “Nzu na Mulugu.” (Ovuhulela 19:11-13) Nzina nnti n’ettomo Nzu na Mulugu ovahiwe ddi Yezu Kristu sabwani ddi iyene onvaviha mazu a Mulugu. (Joau 1:1, 14) Iyene onoromoliwa ‘Wororomeleya vina Webaribari’ vina onowittaniwa “Mwene wa amwene vina Nabuya wa anabuya.” (Ovuhulela 19:16) Eji enolagiha wi mYezu okana ewodhelo yokala Mwene-wopemberha vina sabwa yokala wororomeleya, iyene txipo kampuja omwene waye vina kanlamula n’obure. Mbwenye awiteya mavuzo.
wp17.3 4 ddima 2
Anameddiha a Akavalo Anayi—Anaddiwana Ani?
Anyakavalo aba aromile wedda nsaka gani? Kona wi munyakavalo woroma, Yezu oromile wedda mumaleliye wakela ezinddiyelo ya mperhe. (Ovuhulela 6:2) Yezu oromile olamulela nsaka gani wirimu? Mumaleliye wene okwa bawiyelela wirimu? Nne Bibilia onloga wi nsaka nttile wahiroma ojedha. (Ahebreu 10:12, 13) Yezu wahavaha anamafwara aye ezinddiyelo egakamihedhile awene oziwa wi wi Omwene wa Yezu wahiroma olamulela wirimu. Iyene wahiloga wi dhilobodha mwilaboni dhigahittabwa vaddiddi. Nlogo nigahiwana koddo na nlogo nina, elabo na elabo yina; dala egahithidda motho, elabo egahithekenyeya. (Mateu 24:3, 7; Luka 21:10, 11) Ezinddiyeloya enlagiha wi nsakana nti norutxa niromile yaka ya 1914, mumaleli orabiwa Koddo Enddimuwa Yoroma, Bibilia onkuwela nsaka ntti ninga “masaka omariha.”—2 Timóteo 3:1-5.
(Ovuhulela 6:4-6) Venevo ofiya kavalo dhahi wofila. Wagilatilevo ovahiwa supadda ninddimuwa, vina owodha wovenyihamo murenddele mwilaboni, wi athu apegena oka-oka. 5 Vakakarule Mwana-nibila muthove wa nifunddo nanoraru, ddihiwa etagano yamento yaneraru ekwaga: “Kadhawuno”. Venevo ofiya kavalo woriba. Wagilatilevo wandhana balansa mmadani. 6 Ddihiwa nzu nadha mwa vitagano dhamento dhonayi, nàloga:
“Kilu modha ya tirigu, enguliwa na muthengo onlabeliwa siku. Kilu tharu dha mayele , muthengoyá bwakakene. Makura na vinyu kadhivuguwe”.
wp17.3 5 ddima 2
Anameddiha a Akavalo Anayi—Anaddiwana Ani?
Munyakavalo oddu ontonyhedha koddo. Koona wi iyene kanburutxa murenddele wa elabo mmodha bahi, mbwenyi ya elabo yotene. Yaka ya 1914 yaka erabiwe koddo enddimuwa yoroma ddila yoroma mwigumini mwa athu. Mwari mwa mudhidhi mung’onovi yahirabiwa koddo yina yanawili yothabwaya. Athu enji anorumela wi oromana yaka ya 1914 muthengo wa athu akwile sabwaya koddo na owana wa malogo ohikwaranya amiliau 100! Ottiya sewalegela matxikwi a athu ena avoreyile vopitha.
wp17.3 5 ddima 4-5
Anameddiha a Akavalo Anayi—Anaddiwana Ani?
“Vakakarule Mwana-nibila muthove wa nifunddo nanoraru, ddihiwa etagano yamento yaneraru ekwaga: Kadhawuno. Venevo ofiya kavalo woriba wagilatilevo wandhana balansa mmadani. Ddihiwa nzu nadha mwa vitagano dhamento dhonayi, naloga: “Kilu modha ya tirigu , enguliwa namuthengo onlabeliwa siku. Kilu tharu dha mayele , muthengoya bwakakene. Makura na vinyu kadhivuguwe.” ”—Ovuhulela 6:5, 6.
Munyakavalo oddu ontonyihedha dala okalawo mogahirutxa vaddiddi nona Bbibilia alogaga wi kilu mmodha ya tirigu (1.08 L) egaguliwa denariyu mmodha,entapulela muthengo onlabeliwa siku nimodha, nsaka na Yezu! (Mateu 20:2) Na muthengo wakene, nannodheya ogulana kilu tharu dha mayele, (3.24 L) sereyali ohinliganihiwa na tirigu, vowi tirigu ddwanetxa ttima. Mbwenyi muthengoya obu woja, kuwahakwanela murala munddimuwa. Lizuna vina nahiloga wi attuya anfuniwana winanela makura na vinyu., esi dhali poso dhalabihedhiwetxa nsaka nttile.
(Ovuhulela 6:8) Venevo ofiya kavalo wa mulaya wa njano. Wamweddiha waromoliwa Okwa, waveleliwa na muthithi wa amarafula. Mulugu omvaha omwinya wa epadde yonayi y’elabo, wi ápemo athu na supadda, na dala, na ezini, na vinama dholudha.
wp17.3 5 ddima 8-10
Anameddiha a Akavalo Anayi—Anaddiwana Ani?
Munyakavalo wanonayi ontonyihedha okwa otatamuliwe na maredda vina na dhilobo dhina. Mumalele orabiwa koddo yaka 1914 eredda dhahi enkuweliwa gripe espanhola yahitota okwa wa matxikwi na matxikwi a athu. Enowaganyedheya muthengu wa 500 wa athu ahiravihiwa. Nsaka nene-nttile yali mwari mwa athu 3, mmodhayavo wahikana orugunuwa elabo yoten!
Eredda ejile ya gripe espanhola wali omaromo bahi. Anamasunza ahiloga wi matxikwi mazana na mazana a thu ahikwa sabwa ya eredda dhahi enkuweliwa variola vyaka mazana mundduni. Masiki ewoneyaga ninga miparha dha egumi dhinowunuwavi, maredda ninga ninga SIDA, tuberculose vina malaria anotota okwa wa athu enjene.
Nona, sabwa ya Koddo, dala na maredda, okwa—onowapemberavi athu. Vina masiye kanakanela thagaraga, onowahelamovi attu.
Nipepese Mafumo a Omuyani
(Ovuhulela 4:4) Makomeyá a mpaddo obo munddimuwa, ddihona mipaddo mina makumeli na minayi, yagilateliwe na makolo makumeli na manayi, abálele guwo dhotxena, àna dhothithimihiwana dha nddarhama omusorho.
(Ovuhulela 4:6) Wanoneya vina ekalelo yaladdana na nibara, yawoneyela ninga manje othorhorha. Vari va mpaddo, vina makomeyá, vakala vitagano nayi dhodhala mento osogorho na odduni.
re 76-77 ddima 8
Wothithimiheya Mpaddo Womwene wa Yehova
8 Joau wanziwa wi ahittomiwa anamakutha wi alabe mmusanani wa wale. Mbwenye enlebiye vasogorova enodha wutikiniya: “Makomeyá a mpaddo obo munddimuwa, ddihona mipaddo mina makumeli na minayi, yagilateliwe na makolo makumeli na manayi, abálele guwo dhotxena, ana dhothithimihiwana dha nddarhama omusorho.” (Ovuhulela 4:4) Ndde, ottiya anamakutha, alivo makololo owakwana 24, attomeliwe vina avahiwe ezinddiyelo ya amwene. Koddi makoloya aba bani? Attikitteliwe a ebaribari a mulogo wa Kristu, bamalile ovenyihiwa mukwani vina bavahiwe mipaddo dhawa dhahapikirele Yehova. Ninziwa dhavi eje?
re 80 ddima 19
Wothithimiheya Mpaddo Womwene wa Yehova
19 Vitagano nayi dhodhala mento osogorho na odduni antapulela eni? Wonihiwa wina elogiwe na namavuhulela Ezekiyel enonikamihedha wona yowakulaya. Ezekiyel wahimona Yehova bagilatile mmukukuttani wa wirimu, yattukule vina vitagano dholoddana na esile ziwonile Joau. (Ezekiyel 1:5-11, 22-28) Musogoromwa Ezekiyel wahona vina mukukutta wakene. Mbwenye vitagano dhali mmukukuttanimwa iyene okuwele akerubi. (Ezekiyel 10:9-15) N’eje ninononelamo wi vitagano esile dhiwonile Joau anatonya akerubi enji a Mulugu—esi vitagano dhottittimihiwetxa mu nikuruni n’omuyani. Joau katikina sabwa ya wawona akerubi baaddamele mpaddowa Yehova,sabwani masasanyedho akosiwe wale mwaha wa musana, anttihiwa akerubi eli a nddarhama azinddiyeliwa na na mukunelo wa yobo mwakoyiwa malamulo, yatonya mpaddo wa Yehova. Modhela akerubi aba Yehova wanvaha malamulo nlogo na izrayel.—Obudduwa 25:22; Masalmo 80:1.
(Ovuhulela 5:5) Mmodhavo wa makolo ologa na miyo: “Kunle. Ole onromoliwa Poddogoma wa nihimo na Judá, nipweto na David, opemberha; onowodha okakárula muthove wa mafunddo matanu na meli, vina ofugula nivuru”.
“Ole Onromoliwa Poddogoma wa Nihimo na Judá”
5 Poddogoma enama enziwiwetxa na oliba murima. Wahiromga ogumanana poddogoma kove na kove? Akala ohimona, nonanga omonile bali mmumburoni esili dhinikiwa dhinama, bali mu thangani mwaye. Masiki akalagavi mwenemwale weyo onothiddiwa wova, sabwani ogamwang’ana okoveniwaye deetu kunimubuwela athawaga elobo. Bibilia onologa: Poddogoma enama yawopihayá mwa vinama dhotene, ehinova elo-wene.” (Gano 30:30) Oliba murima wa Kristu oli dhawenevina.
6 Ndowene nihone mikalelo miraru dhilagihile Yezu oliba murima ninga wa poddogoma: sabwa yobarela ebaribari, okamihedha oligana vina opemberha ofwarafariwa. Ninele wona vina wi enowodheya—omutagiha Yezu mwa oliba murima—can peno wobaliwana obe nne
Wengesa wa Bibilia
(Ovuhulela 4:1-11) Mmalelimi oleba mipaganyo eso,ddonilé ninga ddaroha: ddihona odhulu musuwo wofuguwene. Nzu newalemi omaromelo, neweya ninga parha za, nàloga dhahi: “Kawela okuno, ddutonyihedhe dhinfuna opadduwa osogorho”. 2 Vowaguva-vene Muya oddithukulelawo. Wenewo odhulu ddihonawo mpaddo w’omwene, vagilatile muthu dhahi. 3 Oddoyá, okoveni waye wanzerimela ninga mwarha wong’animela, wowoneyela. Mpaddoyá warugunuweliwa na ekwi (mutxeka wa Mulugu), yanarya ninga nlugu nogarimela. 4 Makomeyá a mpaddo obo munddimuwa, ddihona mipaddo mina makumeli na minayi, yagilateliwe na makolo makumeli na manayi, abálele guwo dhotxena, àna dhothithimihiwana dha nddarhama omusorho. 5 Vampadonivá vanbudduwa ozerima, vaniweya zumbi, vina oruma wa jahi. Osogorho wa mpaddoyá wakala panti tanu na bili dhathidda, dhatonya muya mitanu na mili dha Mulugu. 6 Wanoneya vina ekalelo yaladdana na nibara, yawoneyela ninga manje othorhorha. Vari va mpaddo, vina makomeya, vakala vitagano nayi dhodhala mento osogorho na odduni. 7 Yoroma yanladdana na poddogoma. yanawili yali ninga mwana-ng’ombe wapogo, yaneraru kovaye yali ninga muthu, yanenayi yaladdana na epungu envava. 8 Etagano-etagano yankana makapwa matanu na nimodha, vina yadhala mento otakulu na mwari. Mathiyu na mutana kadhalemana olaleya dhahi: “wokoddela, wokoddela, wokoddela, ddi Nabuya Mulugu onwodha dhetedhene, Ole waliwovi, oliwovi, onadhe”. 9 Dila dhetene dheba zitagano esile jibo dhomuthithimihana, dhomvuwihana, dhomutamalelana Ole ogilatile vampaddoni, oliwovi masaka otene, 10 makolo abale makumeli na manayi ansikona amwirelaga labà Ole ogilatile vampaddoni, oliwovi masaka otene. Anrula dhothithimihiwana dha nddarhama dhàbalani omusorho, anthiya vasogorho va mpaddo ebaga: 11 “Nyuwo Nabuya Mulugu wehu muli mwinya, munofanyela othithimihiwa, orihiwa, vowi mupaddutxa dhetedhene. Dhotene dhinokalawo n’ofuna wenyu”.