YEDDELO YEHU YA OKRISTU
Azombwe—Kaafuguleleni Amambalinyu Mirima Dhenyu
Onfwanyelelani wafugulela amambalawo murima wawo? (Gano 23:26) Sabwani Yehova ohavaha muttorho wa wukoya vina wuweddiha. (Masal 127:3, 4) Enokala yorutxa wukamihedha ogaavitela esile dhiniwiwemo obe makattamiho anufwanya. Ogawaddela onddaga opurelamo na dhotagiha dhikanilani mwigumini mwawa. Jabure ohimwaddela muttu mwina makani awo? Kaye mwenemo.—mbwenye onofwanyela ohanyengetta.—Gano 3:32.
Onaloge dhavi na amambalawo? Katamela mudhidhi wa pama wi ologe na awene. Egakala yorutxa ologa na amambalawo, kaleba karta wawaddelaga dhetedhene dhiniwamo weyo mmirimani mwawo. Akala awene anfuna aloge makani anhinziveliwa weyo kobuwela wi anfuna awukamihedhe bahi. Wubuwele wi amambalawo kaiye amwiddani awo. Guru dhinkosiwe wi wawaddelelemo dhiniwamo weyo dhinele wukamihedha mwigumini mwawo mwetemwene—egumi ya mukala-kala!—Gano 4:10-12.
KOONA VIDIYU YEDDELO YA AZOMBWE—DDINAWODHE DHAVI WAFUGULELA MURIMA AMAMBALAGA? OGAMALA WAKULE MAVUZO ANFWARELA:
Ester na Partik awodhile dhavi oviziwa anyene?
Ninsunza enni na yotagiha ya Yezu?
Amambalawo antonyihedha dhavi wi anowutanala?
Amambalawo anfuna wi dhetedhene dhuweddelege deretu
Magano a Biblia anawukamihedhe dhavi wafugulela amambalawo murima wawo?