YEDDELO YA AKRISTU
Onowodha Ozinddiyela Dhowakula dha Malobelo Awo?
Mbibiliani ninofwanya dhotagiha dha malobelo akulile Yehova. Alabeli a Yehova aganonelamo mukalelo wakulile Yehova malobelo awa vina mukalelo wakamihedhiliye mmakattamihoni mwawa nroromelo nawa ninoliba. Jamakamaka omwaddela Yehova eli mmirimani mwehu nigalobelaga vina nitamelege ozinddiyela dhowakula dha malobelo ehu. Okane muyubuweloni wi Yehova onowakula malobelo ehu na mukalelo wottiyana-ttiyana. (2Kor 12:7-9; Ef. 3:20) Yehova onakula dhavi malobelo ehu?
Ononivaha guru mpaddi womaningoni, womuyanani vina muyubuweloni wi niwodhe owanana makattamiho ehu.—Fil 4:13
Ononivaha ononelamo wi nikose dhosakula dhapama.—Tia 1:5
Ononivaha efunelo vina guru ya ottiddana mabasa.—Fil 2:13
Onofwaseyiha murima wehu nigadhugudheya. —Fil 4:6, 7
Modhela nikamihedho vina nipangarazo ninvahiwihu na attu ena.—1Jo 3:17, 18
KOONA VIDIYU YEHOVA ‘NAMEWA WA MALOBELO,’ OGAMALA WAKULE MAVUZO AMFWARELA:
Akala ninogumanana makattamiho a egumi, yotagiha ya Mbali Shimizu ennilibiha dhavi?
Onamutagihe dhavi Mbali Shimizu?