YEDDELO YA AKRISTU
Kaveda Mubuwelo wa Yehova
Iyo ninfuna wi Yehova agalale na dhotene dhinkosihu. (Gano 27:11) Wi ejo ewodheye, ninofwanyela okosa dhosakula dhiniwanana na efunelo yaye masiki akala kavali nlamulo. Txini enanikamihedhe?
Okane elemelelo ya omusunza Bibilia. Mudhidhi wotene onimwengesihu Bibilia ninovira mudhidhi na Yehova. Iyo ninele oziwa mubuwelo wa Yehova nigatanalela mukalelo weddihiliye nlogo naye vina nigasunza dhotagiha dha abale akosile dhilobo dhapama vina akosile dhilobo dhabure vamentoni vaye. Nigafuna okosa yosakula muya wa Yehova onele onubutxedha dhisunzilihu Mbibiliani.—Jo 14:26.
Opepesa. Akala onfuna okose yosakula, ovivuze ‘Nipadduwo gani na Bibilia ninaddikamihedhe oziwa mubuwelo wa Yehova sabwa ya makaniya?’ Omulobe Yehova wila awukamihedhe vina opepese manivuru aliwo na elogelo yawo wi awukamihedhe ofwanya vina ovirihamo malago a Bibilia mowiwana na dhinvediwe.—Masal 25:4.
KOONA VIDIYU NDOWENI “NITHAMAGE NA NTIDI”—TAMELA OJA DHOJA DHINKOLA, OGAMALA WAKULE MAVUZO ANFWARELA:
Murogora olagihiwe nvidiyuni wadideliwa okosa nni?
Akala onodideliwa onawodhe dhavi olabihedha dhipano dhopepesana wi dhukamihedhe?
Onapurelemo dhavi mudhidhi wawo wa opepesa vina nsunzo nawo nomwinya wi okose dhosakula dhapama?—Aheb 5:13, 14