NIPADDUWO 18
Yakobi Ohidhowa O Hara
WEYO onowaziwa alobwana aba anloga na Yakobi? Mumaleliye okosa oleddo masiku menjene, Yakobi wagumanile na awene vatxelani. Awene aakumbuza mabila awa. Yakobi wahavuza dhahi: ‘Muli a wuvi?’
Awene ahiloga: ‘O Hara.’
Yakobi wahavuza wila: ‘Munomuziwa Labani?’
Awene ahaakula: ‘Indde. Kañgana apale, mwana waye wa muyana onodha na nikuru naye na mabila.’ Onomoona Rakeli bagadha okule?
Yakobi mumooneliye Rakeli na mabila a titiyu waye Labani, iyene wahidhowa nanda bakunulavo mwarha vadhulu va ntxela wila mabila amwe. Venevo Yakobi wahimusosona Rakeli nanda wahimpanga iyene bani. Iyene wahiziveliwa vaddiddi, nanda wahidhowa vatakulu bampanga babi waye Labani.
Labani wahisanzaya vaddiddi sabwa ya okala na Yakobi. Nanda Yakobi mwakumbirheliye omutela Rakeli, Labani wahisanzaya. Mwa dhaene, iyene wahimukumbirha Yakobi wila alabe mmunddani mwaye vyaka tanu na biili wila akaane Rakeli. Yakobi wahikosa ejene sabwani wannimukwela Rakeli vaddiddi. Mbwenye mwafiyeli mudhidhi wa matelo, weyo onoziwa txini yapadduwile?
Labani wanvahile mwana waye munddimuwaya watxemerhiwa Leia vamburoni va Rakeli. Yakobi murumeeleliye omulaba Labani vyaka dhiina tanu na biili, Labani wahinvaha vina Rakeli bakala mwadhiye. Masaka abale Mulugu wannathiya alobwana okaana opitha muyana mmodha. Mbwenye ovanene, ninga munlagihedha Bibilia, mulobwana onfanyeela okaana muyana mmodha bahi.
Wita 29:1-30.