Ntanalo

Elobo Gani Ekosile Yezu

VIDIYU: Yezu Onoweddela Ttagaraga Muttitti

1. Koona VIDIYU, obe wensege Marko 6:​30-34. Ogamala otanalele mavuzo aba:

1. Yezu na anamafwara aye “afunela nni okala woka”?

2. Txini yamuttukulele Yezu osunziha muttitti obule?

Ejile Ekosile Yezu Ennisunziha Nni?

2. Nigakana ntanalo, kaninazuzumele attuya na miselu dhehu bahi.

Omutagihe Yezu

3. Kavuruwana nofwaseya. Kamuttiye muttuya ologa ejile enviwiyemo. Kumugwadde obe kupwaze monelo waye, makattamiho vina mukalelo onviwiyemo. Weyo ogafwaseyela onvuruwana muttuya onononelamo wi onotanala monelo waye.

4. Omutanalele muttuya. Omubuwelaga muttuya ologiliwena makani, ovivuze:

1. ‘Iyene onfunela nni wiwa miselu dhapama?’

2. ‘Nsunzo na Bibilia ninamukamihedhe dhavi otxinja egumi yaye ovanene vina musogorho?’

5. Olabihedhe makani aniwanana na efunelo yaye. Egawodheya, kamulagihe wi nsunzo na Bibilia ninele wakula mavuzo aye vina okana egumi yowagalala.